परभणी शहरातील पेट्रोलपंप २० मिनिटेठेवले बंद

पेट्रोलपंप चालकांनी बुधवारी सायंकाळी २० मिनिटे पेट्रोलपंप बंद ठेवून आणि सर्व दिवे बंद करून शहीद भारतीय जवानांना श्रद्धांजली अर्पण केली़

लोकमत न्यूज नेटवर्कपरभणी : पेट्रोलपंप चालकांनी बुधवारी सायंकाळी २० मिनिटे पेट्रोलपंप बंद ठेवून आणि सर्व दिवे बंद करून शहीद भारतीय जवानांना श्रद्धांजली अर्पण केली़दहशतवाद्यांनी केलेल्या भ्याड हल्ल्याचा निषेध नोंदविण्यासाठी आणि शहीद जवानांना श्रद्धांजली अर्पण करण्यासाठी परभणी शहरातील पेट्रोल पंप चालकांनी बुधवारी सायंकाळी ७ ते ७़२० यावेळेत पंपावरील इंधन विक्री बंद ठेवली़ पेट्रोलपंपावरील सर्व दिवे बंद करून शहीद जवानांना श्रद्धांजली अर्पण करण्यात आली़ तसेच सर्व कर्मचाऱ्यांनी दोन मिनिटे स्तब्ध उभे राहून श्रद्धांजली अर्पण केली़ परभणी शहरात १३ पेट्रोलपंप असून, या सर्व पेट्रोलपंपावर अशा पद्धतीने शहीदांना अभिवादन करण्यात आले़ जिंतूर येथेही माजी नगरसेवक मिर्झा करीब बेग यांच्या पेट्रोलपंपावर अशाच पद्धतीने श्रद्धंजली अर्पण करण्यात आली़