सरपंचपदी रोहिदास सूर्यवंशी यांची निवड
आलेगाव : पूर्णा तालुक्यातील कलमुला ग्रामपंचायतीच्या सरपंचपदी रोहिदास सूर्यवंशी यांची तर उपसरपंचपदी सारजाबाई बोकारे यांची बिनविरोध निवड करण्यात आली आहे. ११ फेब्रुवारी रोजी ग्रामपंचायतीत बैठक घेण्यात आली. यावेळी निर्वाचन अधिकारी एस. एस. डोंगरदिवे, ग्रामसेविका ज्योती वडजे, सदस्य जयश्री सूर्यवंशी, ललिता उटकर, कविता उटकर उपस्थित होते.
असोला येथे स्वच्छता अभियानाचे आयोजन
असोला : परभणी तालुक्यातील असोला येथे गुरुवारी स्वच्छता अभियान राबविण्यात आले. यावेळी सरपंच वत्सलाबाई जावळे, उपसरपंच त्र्यंबक भरोसे, पंचायत समिती सदस्य मीनाक्षीताई भरोसे, ग्रामपंचायत सदस्य व्यंकटी जावळे, ए.एस. वैरागर आदींची उपस्थिती होती .
आलेगाव येथे युवा सेनेची शाखा स्थापना
आलेगाव : पूर्णा तालुक्यातील आलेगाव सवराते येथे नुकतीच युवा सेनेची शाखा स्थापन करण्यात आली. या शाखेचे जिल्हा प्रमुख अर्जुन सामाले यांच्या हस्ते उद्घाटन झाले. यावेळी प्रदीप सोळंके, प्रतीक जोशी, सुधाकर खराटे, माणिक सूर्यवंशी, बंडूआप्पा सूर्यवंशी आदी उपस्थित होते.
रस्त्याचे काम सुरू
मानाली : मानवत तालुक्यातील मानोली ते मानवत रोड या रस्त्याचे काम सुरू करण्यात आले आहे. गतवर्षी मार्च महिन्यात लॉकडाऊनमुळे हे काम बंद पडले होते. ‘लोकमत’ने वृत्त प्रसिद्ध केल्यानंतर काम सुरू करण्यात आले आहे. कामाचा चांगला दर्जा ठेवण्याची मागणी होत आहे.
मुंबईतील आंदोलनात शिक्षक सहभागी
जिंतूर : मुंबई येथे खाजगी विना अनुदानित शाळांमधील शिक्षकांना कायम करण्याच्या मागणीसाठी सुरू असलेल्या आंदोलनात जिंतूर तालुक्यातील शिक्षक सहभागी झाले आहेत. याबाबतची माहिती सय्यद हकीम, गुलाब जाधव या शिक्षकांनी दिली.
१० पर्यंत पटसंख्या असलेल्या ३७ शाळा
परभणी : जिल्ह्यात १० विद्यार्थ्यांपर्यंत पटसंख्या असलेल्या एकूण ३७ शाळा आहेत. त्यामध्ये जिल्हा परिषदेच्या १३ शाळांचा समावेश आहे. तसेच २३ शाळा या खाजगी विना अनुदानित तत्वावरील आहेत. एक शाळा खाजगी अनुदानित असल्याची माहिती जिल्हा परिषदेच्या प्राथमिक शिक्षण विभागाने दिली.