परभणी : परळीकडे जाणाऱ्या कोळसा वाहतुकीच्या मालगाडीचे इंजिन गंगाखेड ते वडगाव निळा दरम्यान फेल झाले. यामुळे परभणी परळी मार्गावरील वाहतूक प्रभावित झाली आहे. हा प्रकार सकाळी साडेसहा ते सातच्या दरम्यान घडला. पर्यायी इंजिन परभणी रेल्वे स्थानक येथून परळी मार्गावर मालगाडीला जोडण्यासाठी रवाना झाले आहे.
परभणी परळी मार्गावरील गंगाखेड ते परळी दरम्यान वडगाव निळा स्थानकाच्या परिसरात परळी कडे जाणाऱ्या कोळशाची वाहतूक करणाऱ्या मालगाडीचे इंजिन पावर फेल झाले. ही घटना गुरुवारी सकाळी साडेसहा ते सातच्या दरम्यान घडली. त्यामुळे परळी येथून परभणीकडे येणाऱ्या पनवेल नांदेड रेल्वेला वडगाव निळा स्थानकावर दोन तासापासून थांबविण्यात आले आहे. तर नांदेड बेंगलोर रेल्वे परभणी - गंगाखेड दरम्यान पोखरणी स्थानकावर थांबून ठेवली आहे. पूर्णा - हैदराबाद रेल्वे परभणी स्थानकावर तर गुंटूर- छत्रपती संभाजीनगर रेल्वे परळी स्थानकावर थांबविली आहे. सनासुदीच्या कालावधीत प्रवाशांचे मात्र गावाकडे परतताना वाहतूक प्रभावित झाल्याने गैरसोय झाली आहे.
Web Summary : A coal train engine failed between Gangakhed and Wadgaon Nila, disrupting the Parbhani-Parli rail route. Several trains were halted, causing inconvenience to passengers during the festive season. An alternative engine was dispatched from Parbhani.
Web Summary : गंगाखेड़ और वडगांव निला के बीच कोयला ट्रेन का इंजन खराब, परभणी-परली रेल मार्ग बाधित। कई ट्रेनें रुकीं, जिससे त्योहारों के मौसम में यात्रियों को असुविधा हुई। परभणी से एक वैकल्पिक इंजन भेजा गया।