लोकमत न्यूज नेटवर्कपरभणी : महापालिकेतील ६ विषय समित्या आणि २ प्रभाग समितींच्या सभापतीपदांसाठी प्रत्येकी एक अर्ज आल्याने ही सभापतीपदे बिनविरोध झाली असून मंगळवारी सकाळी १० वाजता या निवडींवर शिक्कामोर्तब होणार आहे.महापालिकेतील ७ विषय समित्यांसह ३ प्रभाग समिती सभापतींच्या निवडी वर्षभरापासून रखडल्या होत्या. विभागीय आयुक्त पुरुषोत्तम भापकर यांनी ८ दिवसांपूर्वी सभापती निवडीचा कार्यक्रम जाहीर केला. १८ जून रोजी सभापतीपदासाठी उमेदवारी अर्ज दाखल करण्यात आले. त्यात शहर सुधार समिती सभापतीसाठी राष्ट्रवादीच्या नाजेमा बेगम शेख रहीम, महिला व बालकल्याण समिती सभापतीपदासाठी काँग्रेसच्या वैशाली विनोद कदम, स्थापत्य समिती सभापतीपदासाठी राष्ट्रवादीच्या शेख समीना अहमद, वैद्यकीय सहाय्य व आरोग्य समिती सभापतीपदासाठी शिवसेनेचे प्रशास ठाकूर, माध्यमिक, पूर्व माध्यमिक व तांत्रिक समितीसाठी काँग्रेसचे अ.कलीम अ.समद आणि गलिच्छ वस्ती घर बांधणी व समाजकल्याण समितीच्या सभापतीपदासाठी काँग्रेसचे नागेश सोनपसारे यांचा एकमेव अर्ज आला आहे. त्यामुळे या निवडी बिनविरोध होणार आहेत. तीन प्रभाग समितीच्या सभापतींपैकी प्रभाग समिती अ साठी राष्ट्रवादीच्या अमरिका बेगम अ.समद आणि प्रभाग समिती ब साठी काँग्रेसच्या खमीसा जान महमद जानू यांचे एकमेव अर्ज आल्याने या दोन्ही जागा बिनविरोध होणार आहेत.दोन जागांसाठी लढतसभापतीपदांच्या दोन जागांसाठी प्रत्येकी दोन अर्ज आल्याने निवडणूक घ्यावी लागणार आहे. विधी व महसूलवाढ समितीच्या सभापतीपदासाठी राष्ट्रवादीचे अमोल पाथरीकर व अॅड. विष्णू नवले हे दोन अर्ज आले आहेत. तर प्रभाग समिती क च्या सभापतीपदासाठी भाजपाच्या उषा झांबड आणि काँग्रेसच्या महेमुद खान मजीद खान यांचे अर्ज आल्याने या पदासाठी निवडणूक होण्याची शक्यता आहे.
परभणी मनपा : आठ सभापती बिनविरोध
By लोकमत न्यूज नेटवर्क | Updated: June 18, 2018 23:59 IST