परभणी : कार्यालयाभोवती अतिक्रमणाचा विळखा

लोकमत न्यूज नेटवर्कजिंतूर  (परभणी ) : मुख्य रस्त्याच्या दुतर्फा असणाऱ्या शासकीय कार्यालयाच्या संरक्षण भिंतीजवळ १५० ते २०० अतिक्रमणधारक बसले असून अनेक वेळा अतिक्रमण हटाव मोहीम राबविली. मात्र अवघ्या पंधरा दिवसांत ही अतिक्रमणे पूर्ववत होत आहेत. त्यामुळे सर्वसामान्य नागरिकांना मोठा त्रास सहन करावा लागत आहे.जिंतूर शहरात दरवर्षी सार्वजनिक बांधकाम विभाग, नगरपालिका अतिक्रमण हटाव मोहीम राबविते. मात्र ही मोहीम केवळ दिखावा ठरते. अतिक्रमण मोहीम राबविल्यानंतर अवघ्या पंधरा दिवसात ही अतिक्रमणे पूूर्ववत होतात. विशेष म्हणजे शिक्षण विभाग, ग्रामीण रुग्णालय, जि.प. बांधकाम विभाग, लघूसिंचन विभाग, शासकीय गोदाम आदी ठिकाणच्या शासकीय जागा अतिक्रमणधारकांनी बळकावल्या आहेत. नव्हे तर एकही पाठ भिंत अतिक्रमणधारकांनी शिल्लक ठेवली नाही.दरवर्षी सार्वजनिक बांधकाम विभाग जिंतूर- फाळेगाव, जिंतूर- जालना, जिंतूर-परभणी या मार्गावरील अतिक्रमणे हटवित असते. संबंधितांना नोटिसा बजावण्याचे काम तत्परतेने करणारा सा.बां. विभाग मात्र मोठ्या प्रमाणावर झालेल्या अतिक्रमणाकडे सहजतेने बघत आहे. शहरात ४०० ते ५०० दुकाने अतिक्रमणात आहेत. सा.बां. विभागाप्रमाणे न.प.च्या कार्यक्षेत्रातही अतिक्रमणे वाढत आहेत. याकडे पालिकेचे दुर्लक्ष झाले आहे.शहारातील प्रचंड धूळ व दोन्ही बाजूंंची अतिक्रमणे यातून चालताना पादचाºयांचा जीव मेटाकुटीला येत आहे. या शिवाय रस्त्यावर उभे असणारे हातगाडे वाहतुकीला मोठा अडथळा निर्माण करणारे आहेत. एकीकडे स्वच्छ व सुंदर जिंतूर शहर संकल्पना साकारत असताना अतिक्रमण, रस्त्यावरील हातगाडे, प्रचंड धूळ व ठिकठिकाणी लागलेल्या होर्र्डिंग्ज शहराच्या सुधारणेमध्ये अडसर ठरत आहेत. दुसरीकडे सार्वजनिक बांधकाम विभागाच्या अखत्यारित जवळपास सर्वच रस्ते असल्याने त्यांच्या कार्यक्षेत्रातील अतिक्रमणाबाबत हा विभाग तत्पर नाही. परिणामी शहराच्या अतिक्रमणात सातत्याने मोठी वाढ झाली आहे.तहसील कार्यालयास अतिक्रमणांचा गराडाजिंंतूर तहसील कार्यालयाच्या चोहूबाजूने अतिक्रमणे झाली आहेत. ही ३० ते ४० अतिक्रमणे असून बॉन्ड पेपर विक्रीच्या नावाखाली सर्रास दुकाने थाटली आहेत. महसूल प्रशासनाने अनेक वेळा येथील अतिक्रमणे काढली खरी. मात्र या मोहिमेनंंतर अवघ्या २४ तासांतच मोठ्या जोमाने ही अतिक्रमणे पुन्हा थाटली आहेत. विशेष १४ जानेवारी रोजी प्रशासनाने अतिक्रमणे काढली होती. मात्र अवघ्या दोन दिवसांत पहिल्यापेक्षा जास्त अतिक्रमणे वाढली आहेत. झेरॉक्स सेंटरच्या नावाखाली अनेक वाहने परिसरात उभी असतात. शिवाय इतर व्यवसायही मोठ्या प्रमाणावर अनधिकृत आहेत.पोटभाडेकरूंची संख्या मोठी४सर्वसामान्य नागरिक उदनिर्वाहासाठी अतिक्रमण करीत असले तरी शहरात काही अतिक्रमणधारकांनी प्रत्येकी ५ ते १० जागेवर अतिक्रमण करून ती जागा इतरांना भाडेतत्वावर दिली आहे. या अतिक्रमणातून दरमहा २५ ते ३० हजार रुपये महिना कमवितात.४अशा अतिक्रमणधारकांची संख्या पंधरा ते वीस असून गरिबांना त्रास देणे, दमदाटी करून पैसा वसूल करणे आदी प्रकार शहरात सर्रास होत असल्याचे दिसून येत आहे.अनधिकृत वीजपुरवठा४या अतिक्रमणधारकांनी अनधिकृतपणे सहजतेने वीजपुरवठा घेतला आहे. अनेकांनी परस्पर वीज जोडली आहे. तर अनेकांनी १०० रुपयांच्या शपथपत्रावर वीज जोडणी व पालिकेची नाहरकत मिळविली आहे. त्यामुळे अतिक्रमणधारकांचे फावत आहे. याकडे तहसीलदारांनी लक्ष देऊन अतिक्रमणधारकांवर तातडीने कार्यवाही करावी, अशी मागणी नागरिकातून होत आहे.तहसील कार्यालयाच्या आवारात अतिक्रमणे वाढलेली आहेत. सतत अतिक्रमणे होत आहेत.मात्र आठ दिवसांत ही सर्व अतिक्रमणे हटवू.-सुरेश शेजूळ, तहसीलदार, जिंतूर