जिंतूर (जि. परभणी) : घरासमोर खेळणाऱ्या तीन बालकांवर भटक्या कुत्र्यांनी हल्ला करून त्यांना गंभीर जखमी केल्याची घटना रविवारी सायंकाळी पाच वाजेच्या सुमारास घडली. या मुलांवर शहरातील ग्रामीण रुग्णालयामध्ये प्राथमिक उपचार करून पुढील उपचारांसाठी जिल्हा सामान्य रुग्णालयात पाठविण्यात आले.
हिदायतनगर वसाहतीमधील शेख रिजवान शेख हुसेन (वय ६), सय्यद तैमूर सय्यद फेरोज (५), जुनैरा तौफिक कुरेशी (१) हे तिघे रविवारी सायंकाळी घरासमोरील रस्त्यावर खेळत होते. दरम्यान, परिसरातील भटक्या कुत्र्यांनी या बालकांवर हल्ला चढवून त्यांना गंभीररीत्या जखमी केले. बालकांचा रडण्याचा आवाज ऐकून परिसरातील नागरिकांनी धाव घेत कुत्र्यांच्या तावडीतून बालकांची सुटका केली. त्यांना शहरातील ग्रामीण रुग्णालयात प्राथमिक उपचार केले. त्यांची प्रकृती चिंताजनक असल्याने पुढील उपचारांसाठी जिल्हा सामान्य रुग्णालयात पाठविण्यात आले. दरम्यान, भटक्या कुत्र्यांचा पालिकेने त्वरित बंदोबस्त करावा, अशी मागणी नागरिकांतून होत आहे.
Web Summary : In Parbhani, stray dogs attacked and seriously injured three children playing near their homes. Locals rescued them, and after initial treatment, the children were moved to a district hospital for further care. Residents demand immediate action from the municipality.
Web Summary : परभणी में, आवारा कुत्तों ने घरों के पास खेल रहे तीन बच्चों पर हमला कर उन्हें गंभीर रूप से घायल कर दिया। स्थानीय लोगों ने उन्हें बचाया, और प्रारंभिक उपचार के बाद, बच्चों को आगे की देखभाल के लिए जिला अस्पताल ले जाया गया। निवासियों ने नगरपालिका से तत्काल कार्रवाई की मांग की है।