पूर्णा (परभणी) : दोन बाईकची समोरासमोर घडक होऊन झालेल्या अपघतात एकजण जागीच ठार झाल्याची घटना एकरुखा पाटीजवळ रविवारी रात्री घडली. किशन नागोराव अर्धापुरकर असे मृताचे नाव असून जखमी असलेल्या तिघांवर नांदेड येथे उपचार सुरु आहेत.
याबाबत ताडकळस पोलिसांनी माहिती दिली की, पूर्णेतील रहिवासी राधेश्याम महामुने हा त्याचा नातेवाईक किशन नागोराव अर्धापुरकर (रा रिधोरा ता वसमत) याच्यासोबत गंगाखेड येथून लग्न समारंभ आटोपून दुचाकीवर परतत होते. एकरुखा पाटीजवळ आले असता पूर्णेकडून येणाऱ्या एका दुचाकीसोबत त्यांची जोरदार धडक झाली. यात किशनचा जागीच मृत्यू झाला. तर राधेशाम महामुने दुसऱ्या गाडीवरील मारोती सुभाष सदगर व बंडू उर्फ सतीश शिवाजी भूवलकर ( दोघेही राहणार हाटकरवाडी ) हे जखमी झाले. तिघांना उपचारासाठी नांदेड येथे दाखल करण्यात आल्याची माहिती फौजदार अनिल लांडगे यांनी दिली.