गंगाखेड (जि. परभणी) : गंगाखेड -परळी मार्गावरील पडेगाव पाटीजवळ महामंडळाच्या बस -ट्रॅक्टरचा भीषण अपघात झाल्याची घटना सोमवारी सायंकाळी ७ च्या सुमारास घडली. या अपघातात ट्रॅक्टरवरील एकाचा मृत्यू झाला तर ९ जण जखमी झाले.
नगपूर विभागातील गणेशपेठ आगारची बस क्र.(एम एच ०९ एफ एल ०१७९) नागपूर -आंबेजोगाई बस सोमवारी सायंकाळी गंगाखेडहून आंबेजोगाईकडे जात होती. यात चालक वाहकांसह आठ प्रवासी प्रवास करत होते. दरम्यान, पडेगाव पाटीजवळ येताच समोरून ट्रॅक्टरची जोरदार धडक झाली. अपघात इतका भीषण होता की दोन्ही वाहने पलटी झाली. त्यात ट्रॅक्टरवरील परमेश्वर डावरे (६०, रा. गंगाखेड) यांचा जागीच मृत्यू झाला तर विश्वनाथ शिंदे, नवनाथ कांबळे, सुधाकर जाधव, तुळशीराम साळवे, उमेश गडदे, समीर पठाण जुबेर खान, निखिल गायकवाड, बसचालक संतोष वायबसे हे प्रवासी किरकोळ जखमी झाले.
जखमींवर गंगाखेड उपजिल्हा रुग्णालयात उपचार सुरू आहेत. घटनास्थळी उपविभागीय पोलिस अधिकारी डॉ. समाधान पाटील, पोनि. श्रीकांत डोंगरे यांच्या पथकाने धाव घेत वाहतूक सुरळीत केली. याप्रकरणी रात्री उशिरापर्यंत घटनेची नोंद घेण्यात आली नव्हती.
Web Summary : A bus and tractor collided near Padegaon, killing one and injuring nine on the Gangakhed-Parli route. The bus, en route from Nagpur to Ambejogai, collided with a tractor, resulting in fatalities and injuries. Injured passengers are receiving treatment at Gangakhed Hospital.
Web Summary : गंगाखेड-परली मार्ग पर पडेगाँव के पास बस और ट्रैक्टर की टक्कर में एक की मौत हो गई और नौ घायल हो गए। नागपुर से अम्बेजोगाई जा रही बस की ट्रैक्टर से टक्कर हो गई, जिसके परिणामस्वरूप मौतें और चोटें आईं। घायल यात्रियों का गंगाखेड अस्पताल में इलाज चल रहा है।