देवगावफाटा (परभणी) : दोन मित्राचा आपसात पैशाच्या कारणावरून वाद झाला. या वादाचे रूपांतर हाणामारीत होऊन एकाने दुसऱ्याचा कटरने गळा चिरला. ही घटना सेलू शहरात रविवारी सकाळी १०:३० वाजता नटराज बिअर बार हॉटेल परिसरात घडली. उपचारासाठी परभणी शासकीय रुग्णालयात येत असताना त्या जखमी युवकाचा मृत्यू झाला.संतोष आवटे असे मयत युवकाचे नाव आहे. याप्रकरणी पोलिसांनी आरोपीला ताब्यात घेतले आहे. सेलूत दिवाळी सणाच्या दिवशी रविवारी सकाळी १०:३० वाजता नटराज बिअर बार परिसरात हेमंत गोविंद गंडले (४५, रा.शाहु नगर,सेलू ) व संतोष किशन आवटे (३५, गोंधळी गल्ली,सेलू ) या दोन मित्रांमध्ये पैशाच्या कारणावरून वाद झाला. याचे रूपांतर हाणामारीत झाले. हेमंत गंडले यांनी संतोष आवटे यांचा गळा कटरने चिरला. त्यांनतर घटनास्थळी काही नागरिक धावून गेले. त्यांनी जखमी संतोष आवटे यास सेलू उपजिल्हा रुग्णालयात दाखल केले. दरम्यान, पोलीस निरीक्षक रावसाहेब गाडेवाड, सपोनि. संजय चव्हाण, जमादार शेख उस्मान यांनी दवाखान्यात जखमीचा जबाब घेतला. परंतू, प्रकृती गंभीर असल्याने प्रथमोपचार करून संतोष आवटे यास परभणी येथे शासकीय रुग्णालयात नेताना वाटेतच त्यांचा मृत्यू झाला. याप्रकरणी पोलीसांनी घटनास्थळी पंचनामा करून सिसिटीव्ही फूटेजची तपासणी करून आरोपी हेमंत गोविंद गंडले यांना ताब्यात घेतले आहे. पोलीस यंत्रनेकडुन पुढील कारवाई सुरु होती.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"