परभणी : व्यापा-यांकडून महापनगरपालिका जाचक पद्धतीने एलबीटीची थकबाकी वसूल करीत असल्याचा आरोप करीत येथील व्यापा-यांनी आज शहरातील शिवाजी चौकातून जिल्हाधिकारी कार्यालयावर मोर्चा काढला.
मागील सात दिवसांपासून परभणी येथील व्यापारी महापालिकेच्या एलबीटी वसुली विरोधात बेमुदत धरणे आंदोलन करत आहेत. महानगरपालिका व्यापाऱ्यांकडून जाचक पद्धतीने एलबीटी थकबाकी वसूल करत असल्याचा आरोप व्यापाऱ्यांनी शिवाजी चौक येथे ८ डिसेंबरपासून बेमुदत धरणे आंदोलन सुरू केले आहे. मात्र या आंदोलनाची दखल न घेता बुधवारी मनपाने न्यायालयाचा स्थगिती आदेश न मानता एका व्यापाऱ्यांकडून थकबाकीपोटी रक्कम वसूल केली. त्यामुळे सर्वच व्यापारी संतप्त झाले आहेत.
महापालिकेच्या दांडेलशाहीच्या विरोधात गुरुवारपासून दररोज दुपारी २ वाजेपर्यंत बाजारपेठ बंद ठेवण्याचा निर्णय घेतल्याचे व्यापारी महासंघाने बुधवारी रात्रीच जाहीर केले होते. यानुसार गुरुवारी बाजारपेठ कडकडीत बंद ठेवून व्यापाऱ्यांनी मनपाच्या धोरणाचा निषेध नोंदविला. त्यानंतर आज अधिक आक्रमक होत व्यापा-यांनी शिवाजी चौकातून जिल्हाधिकारी कार्यालयापर्यंत मोर्चा काढत मनपाच्या कार्यपद्धतीचा निषेध नोंदवला.