Youth Olympic Games 2018 : भारताची नेमबाज मेहुली घोषला रौप्यपदक

Youth Olympic Games 2018: भारताच्या 18 वर्षीय नेमबाज मेहुली घोषने युवा ऑलिम्पिक स्पर्धेत 10 मीटर एअर रायफल गटात रौप्यपदक जिंकले.

ब्युनोस आयरिस : भारताच्या 18 वर्षीय नेमबाज मेहुली घोषने युवा ऑलिम्पिक स्पर्धेत 10 मीटर एअर रायफल गटात रौप्यपदक जिंकले. पात्रता फेरीत आघाडीवर असलेल्या मेहुलीने अंतिम फेरीत 248 गुणांची कमाई केली. 2018 वर्षातील तिचे हे तिसरे पदक ठरले. तिने जागतिक अजिंक्यपद स्पर्धेत 10 मीटर एअर रायफल सांघिक आणि राष्ट्रकुल स्पर्धेत 10 मीटर एअर रायफल अशा दोन्ही स्पर्धांमध्ये रौप्यपदक जिंकले होते.  

महिला हॉकी संघाची विजयी मालिका कायमभारताच्या 18 वर्षांखालील महिला संघाने युवा ऑलिम्पिक स्पर्धेतील दुसऱ्या सामन्यात उरुग्वेचा 2-1 असा पराभव केला. 5 ए साईड हॉकी सामन्यात भारताकडून लाल्रेम्सियामीने ( 1 व 19 मि.) दोन्ही गोल केले. उरुग्वेकडून मॅगडलेना वेर्गा ( 10 मि. ) हीने एक गोल नोंदवला. भारतीय महिला संघाने पहिल्या सामन्यात ऑस्ट्रीयावर 4-2 असा विजय मिळवला होता.