नवी दिल्ली : WWEच्या एका लाईव्ह लढतीमध्ये एक भयंकर प्रकार पाहायला मिळाला. या लढतीदरम्यान एका रेसलरने दुसऱ्या खेळाडूला थेट खुर्चीने बदडल्याचे पाहायला मिळाले. शार्लेट प्लेयर आणि बॅकी लिंच यांच्यामध्ये हा सामना झाला होता. या सामन्यात शार्लेटने बॅकीला चांगलेच धारेवर घेतल्याचे पाहायला मिळाले.
या सामन्याची उत्सुकता चाहत्यांना बऱ्याच दिवसांपासून होती. कारण या दोघींमध्ये नेहमीच चुरशीची लढत होत असल्याचे पाहायला मिळाले आहे. त्यामुळे यावेळी नेमकी कोण जिंकणार, याची उत्सुकता साऱ्यांना होती.
हा पाहा खास व्हिडीओ
'कॅप्टन कूल' धोनी WWE च्या रिंगमध्ये उतरणार
WWE रॉयल रम्बल हा WWE मधील वर्षातील सर्वात मोठा दुसरा इव्हेंट... पुढील रविवारी होणाऱ्या या लढतीत मोठमोठे सुपरस्टार जेतेपदासाठी भिडतील. विशेष म्हणजे पुरुषांप्रमाणे महिलांतही या प्रतिष्ठेच्या किताबासाठी चुरस रंगणार आहे. गेली अनेक वर्ष हा इव्हेंट WWE च्या चाहत्यांचे मनोरंजन करत आहे. मात्र यंदाचा Royal Rumble सामना थोडा वेगळा आणि भारतीयांसाठी खास असणार आहे. भारतीय क्रिकेट संघाचा माजी कर्णधार ' कॅप्टन कूल' महेंद्रसिंग धोनी Royal Rumbleच्या रिंगमध्ये दिसण्याची शक्यता आहे.
WWE ने भारतीय चाहत्यांकडून एक पोल मागवला आहे. त्यात त्यांनी धोनीला Royal Rumble सामन्यात पाहायला तुम्हाला आवडेल का, असा सवाल केला आहे. चाहत्यांनीही या पोलला प्रतिसाद देताना WWE आयोजकांना होकार कळवला आहे.
याआधी WWE चॅम्पियन ब्रॉक लेसनरचा मॅनेजर पॉल हेयमॅनने आंतरराष्ट्रीय क्रिकेट परिषदेच्या ट्विटवर प्रतिक्रिया नोंदवली. ऑस्ट्रेलियातील वन डे मालिकेतील भारताच्या विजयाचा शिल्पकार ठरलेल्या कॅप्टन कूल धोनीचे कौतुक करणारे ते ट्विटर होते. त्यावर हेयमॅनने प्रतिक्रिया नोंदवली. त्याची दखल घेत आयसीसीने हेयमॅन आणि लेसनर यांना चक्क वर्ल्ड कप तिकीट ऑफर केले होते. दरम्यान धोनी या Royal Rumble सामन्याला उपस्थित राहण्याची शक्यता कमीच आहे.
त्यावर हेयमॅन म्हणाला," WWE युनिव्हर्सल चॅम्पियनला वर्ल्ड कप स्पर्धेचा जागतिक स्तरावर प्रचार वाढवण्याच्या तुमच्या प्रयत्नांना दाद देतो. तेथे येण्यासाठी तुम्ही आम्हाला आठ अंकी रक्कम द्याल अशी अपेक्षा."