विश्वचषक नेमबाजी ज्युनिअर पुरुष स्कीट पात्रता फेरीत भारतीय अव्वल

भारताचा ज्युनिअर स्कीट संघ आयएसएसएफ विश्व चॅम्पियनशिपच्या पात्रता फेरीत अव्वल स्थानी राहिला

चांगवोन : भारताचा ज्युनिअर स्कीट संघ आयएसएसएफ विश्व चॅम्पियनशिपच्या पात्रता फेरीत अव्वल स्थानी राहिला, पण त्याचवेळी, भारताला सोमवारी कुठलेही पदक पटकावता आले नाही. यासह भारतीयांना आॅलिम्पिक कोटा स्थानही निश्चित करता आले नाही.ज्युनिअर पुरुष स्कीट पात्रता फेरीत गुरनिहाल सिंग गारचाने ७५ पैकी ७३ गुणांची कमाई करीत दुसरे स्थान पटकावले. अनंतजित सिंग नारुका ७१ गुणांसह ११ व्या आणि आयुष रुद्रराजू ७० गुणांसह १२ व्या स्थानी राहिला. तिघांचा एकूण स्कोअर २१४ होता. त्यामुळे भारताने गटात अव्वल स्थान पटकावले. सायप्रस दुसऱ्या स्थानी राहिला. मंगळवारी आणखी दोन पात्रता फेºया होतील आणि त्यानंतर वैयक्तिक अंतिम फेरी होईल.पुरुषांच्या २५ मीटर पिस्तूल गटात राष्ट्रकुल स्पर्धेतील सुवर्णपदक विजेता अनिश भानवाना अंतिम फेरीसाठी अपात्र ठरला. त्याची अंतिम फेरी तीन गुणांनी हुकली. भारताला नवव्या दिवशी पदकाची कमाई करता आली नाही. भारताने ७ सुवर्णपदकांसह एकूण २० पदकांची कमाई केली आहे.पुरुषांच्या ५० मीटर रायफल थ्री पोजिशनमध्ये ऐश्वर्य प्रताप सिंगचे पदक हुकले. तो पात्रता फेरीत ११५५ च्या स्कोअरसह पाचव्या स्थानी होता, पण फायनलमध्ये त्याला चौथ्या स्थानावर समाधान मानावे लागले. अनिशने पात्रता फेरीत ५८१ चा स्कोअर नोंदवला, पण रॅपिड फायरमध्ये त्याचा स्कोअर २९२ होता. सहावे व अखेरचे स्थान मिळवण्यासाठी त्याला तीन गुण कमी पडले. चीनच्या लिन जुनमिनने सुवर्णपदकाचा मान मिळवला. याच गटात गुरप्रीत सिंग ५७० च्या स्कोअरसह ४३ व्या आणि शिवम शुक्ला ५६८ च्या स्कोअरसह ४६ व्या स्थानी राहिला. (वृत्तसंस्था)>थ्री पोजिशनमध्ये निराशाज्युनिअर गटात ५० मीटर रायफल थ्री पोजिशन्समध्ये फतेह सिंग ढिल्लो ३८व्या, सॅम जॉर्ज साजन ४७ व्या आणि भारतीय संघ १० व्या स्थानी राहिला. महिलांच्या ३०० मीटर रायफल प्रोनमध्ये लज्जा गोस्वामी १७व्या आणि रंजन गुप्ता ३३ व्या स्थानी राहिली.