स्पोर्ट: शिवाजी महाविद्यालय व्हॉलीबॉल संघ राज्यात अव्वल

अकोला: लातूर येथे २१ नोव्हेंबर रोजी पार पडलेल्या राज्यस्तरीय शालेय व्हॉलीबॉल स्पर्धेत अंतिम सामन्यात मुंबई विभागाचा पराभव करीत श्री शिवाजी कनिष्ठ महाविद्यालय अकोला संघाने अमरावती विभागाचे प्रतिनिधित्व करीत स्पर्धेचे विजेतेपद पटकाविले.
अमरावती विभाग संघाने नाशिक, पुणे विभाग संघाचा पराभव करीत अंतिम सामन्यासाठी पात्रता सिद्ध केली. मुंबई विरुद्ध अंतिम सामना खेळत शिवाजी संघाने सुरुवातीलाच पहिला सेट आपल्या नावावर केला. तीनही सेट जिंकत राज्यात १९ वर्षाआतील मुलांच्या गटात अव्वल स्थान मिळविले. कर्णधार प्रशांत डोंगरे, विशाल सिरसाट, रितेश फसाले, शुभम खरात, पुनीत चव्हाण, मोहित खरात, योगेश घुगे, वृषभ कावळे, अजय धार्मिक, मोहित कश्यप, यश मेश्राम, अर्पण मानकर, प्रणव तालोट, प्रशिक्षक निशांत यांचा समावेश होता. विजेता संघाचे प्राचार्य डॉ. सुभाष भडांगे, प्रा.मोहन खडसे, प्रा.मेश्राम, डॉ. सूर्यकांत कवडे, प्रा.गावंडे, पुरुषोत्तम बावणे यांनी अकोला रेल्वेस्थानक येथे स्वागत करून, महाविद्यालय परिसरात छोटेखानी कौतुक कार्यक्रम केला. यावेळी महाविद्यालयातील प्राध्यापक व शिक्षकेतर कर्मचारी उपस्थित होते. (क्रीडा प्रतिनिधी)
फोटो: प्राचार्य डॉ. सुभाष भडांगे यांनी विजेता संघाचे कौतुक केले. -२३ सीटीसीएल २६
...