राजकुंवर इंगळे हिचे राष्ट्रीय नेमबाजी स्पर्धेत यश

ट्रॅप प्रकारात कोल्हापूरच्या राजकुंवरला रौप्य पदक

लोकमत न्यूज नेटवर्क, कोल्हापूर: अखिल भारतीय जी.व्ही. मावळणकर नेमबाजी स्पर्धेत शुक्रवारी झालेल्या ट्रॅप प्रकारात कोल्हापूरच्या राजकुंवर प्रणील इंगळे हिने महिला कनिष्ठ व वरिष्ठ गटात रौप्य पदकाला गवसणी घातली. जगतपुर (जयपुर) येथील ओॲसिस शूटींग रेंज येथे झालेल्या कनिष्ठ व वरीष्ठ गट स्पर्धेत प्रथम क्रमांक मिळवलेल्या दर्शना राठोड हिला ४०, तर राजकुंवरला केवळ एक गुणाचा फरक लागल्याने दुसऱ्या क्रमांकावर समाधान मानावे लागले. तिला ३९ गुण मिळाले. तिला आंतरराष्ट्रीय प्रशिक्षक महिपाल व पृथ्वीराज इंगळे यांचे मार्गदर्शन व शाहू छत्रपती, मालोजीराजे, मधुरिमाराजे आणि वडील प्रणील इंगळे यांचे प्रोत्साहन लाभले.