मुंबई : प्रो कबड्डी लीगच्या सातव्या सीजनमधील हैदराबाद येथील पहिला टप्पा आज पूर्ण होईल. शनिवारपासून मुंबईच्या टप्प्याला सुरुवात होणार आहे आणि या टप्प्यातील पहिल्याच दिवशी भारतीय संघाचा कर्णधार विराट कोहली कबड्डीच्या मैदानावर दिसणार आहे. यजमान यू मुंबा आणि पुणेरी पलटन या महाराष्ट्र डर्बीच्या सामन्यांन मुंबई लेगला सुरुवात होईल. यावेळी कोहली यू मुंबाला चिअर करताना दिसणार आहे. दुसऱ्या सामन्यात जयपूर पिंक पँथर्स आणि बंगाल वॉरियर्स हे भिडतील.
हैदराबाद येथील टप्प्यात आतापर्यंत झालेल्या सामन्यांत दबंग दिल्लीनं 10 गुणांसह अव्वल स्थान पटकावले आहे. यजमान तमीळ थलायव्हाजला दोन सामन्यांत एकच विजय मिळवता आला आहे आणि ते 6 गुणांसह दुसऱ्या स्थानी आहेत. बंगाल वॉरियर्स, जयपूर पिंक पँथर्स, गुजरात फॉर्च्युनजायंट्स, हरयाणा स्टीलर्स, यू मुंबा आणि बंगळुरू बुल्स यांच्या खात्यात प्रत्येकी पाच गुण आहेत. तेलुगू टायटन्स आणि माजी विजेता पाटणा पायरेस्ट यांनी अनुक्रमे 2 व 1 गुणाची कमाई केली आहे. पुणेरी पलटन व यूपी योद्धा यांना खाते उघडता आलेले नाही.
PKL 2019 : देसाई बंधूंची कमाल; सूरजनं पहिल्याच सामन्यात मोडला सिद्धार्थचा विक्रम
PKL 2019 : आई-वडिलांना वाटत होती 'वेगळीच' भीती, पण मराठमोळ्या वीराची कबड्डीत 'प्रो'गती!