मुंबई : रिओ ऑलिम्पिक कांस्यपदक विजेती महिला कुस्तीपटू साक्षी मलिकचे सुवर्णस्वप्न पुन्हा भंगले. बेलारूस येथे सुरू असलेल्या मेदवेद आंतरराष्ट्रीय कुस्ती स्पर्धेत साक्षीला अंतिम फेरीत हार मानावी लागली. त्यामुळे तिला रौप्यपदकावर समाधान मानावे लागले. भारताच्या पूजा धांडाने 57 किलो वजनी गटात कांस्यपदक जिंकले.
आशियाई स्पर्धेतील अपयश मागे टाकून साक्षीने मेदवेद स्पर्धेत चांगली कामगिरी केली. तिने उपांत्य फेरीत अजरबैजानच्या एलमिरा गैमबारोवाचा 6-2 असा पराभव करून अंतिम फेरीत प्रवेश केला. मात्र, जेतेपदाच्या लढतीत तिला अपयश आले. हंगरीच्या मारियाना सॅस्टीनने 6-2 अशा फरकाने साक्षीला पराभूत केले.