टोकिओ ऑलम्पिकमध्ये (Tokyo Olympics) गोल्ड मेडल जिंकणारा नीरज चोप्रा (Neeraj Chopra) सतत चर्चेत आहे. अशात त्याचा एक खास व्हिडीओ सोशल मीडियावर व्हायरल (Social Viral Video) झाला आहे. ज्यात तो एका लहान मुलीसोबत बोलताना दिसत आहे. व्हिडीओत मुलगी नीरजला आपल्या फेवरेट हिरोबाबत सांगत आहे. चला जाणून घेऊ काय आहे या व्हिडीओत...
या व्हिडीओत तुम्ही बघू शकता की, नीरज चोप्रा एका छोट्या मुलीसोबत बोलत आहे. नीरज जेव्हा मुलीला एखाद्याचं नाव सर्च करायला सांगतो तेव्हा मुलगी म्हणते की, तिचा फेवरेट हिरो नीरज चोप्रा आहे. हे ऐकताच नीरजसह तिथे उपस्थित लोक हसू लागतात.
हा व्हिडीओ IPS अधिकारी पंकज जैन यांनी त्यांच्या ट्विटर हॅंडलवर शेअर केला आहे. या व्हिडीओच्या कॅप्शनमध्ये त्यांनी लिहिलंय की, 'आमचे फेवरेट तर तुम्हीच आहात नीरज चोप्रा. पानीपत स्पोर्ट्स स्टेडियमसोबत बोलणाऱ्या या व्यक्तीचा साधेपणा बघा. असे असतात चॅम्पियन.
ट्विटरवर अपलोड केल्यानंतर या व्हिडीओला आतापर्यंत १९ हजारांपेक्षा जास्त व्ह्यूज मिळाले आहेत. व्हिडीओला हजारापेक्षा जास्त लाइक आणि कमेंट्स आहेत. व्हिडीओवर कमेंट करत एका यूजरने नीरला रीअल हिरो म्हटलं.