मलिंगा, युवराज पहिल्या सत्रात बाहेर

टी-२० स्पेशालिस्ट आणि चॅम्पियन मुंबई इंडियन्सचा प्रमुख गोलंदाज लसिथ मलिंगा गुडघ्याच्या दुखापतीमुळे आयपीएलच्या नवव्या सत्रातील पहिले ५ सामने खेळणार नसल्याची माहिती

मुंबई : टी-२० स्पेशालिस्ट आणि चॅम्पियन मुंबई इंडियन्सचा प्रमुख गोलंदाज लसिथ मलिंगा गुडघ्याच्या दुखापतीमुळे आयपीएलच्या नवव्या सत्रातील पहिले ५ सामने खेळणार नसल्याची माहिती संघाचा प्रशिक्षक रिकी पाँटिंग याने दिली. पाँटिंगने सांगितले, ‘‘गुडघ्याच्या दुखापतीमुळे मलिंगाच्या सहभागाविषयी अजूनही प्रश्नचिन्ह आहे. यामुळे पहिल्या ५ सामन्यांत तो जवळपास खेळणार नसल्याचे दिसत आहे.’’ त्याचप्रमाणे, ‘‘पहिले ५ सामने त्याच्याविना खेळल्यानंतर मलिंगाच्या तंदुरुस्तीनुसार त्याचा संघात समावेश केला जाईल,’’ असेही पाँटिंग म्हणाला.याच वेळी दुसऱ्या बाजूला लढवय्या युवराजसिंगही दुखापतीमुळे आयपीएलमध्ये पहिले २ आठवडे खेळणार नसल्याचे स्पष्ट झाले आहे. संघाचे प्रशिक्षक टॉम मूडी यांनी याबाबत माहिती देताना सांगितले, ‘‘उपचारांसाठी युवराज कमीत कमी दोन आठवडे स्पर्धेबाहेर राहील.’’ (वृत्तसंस्था)