महात्मा गांधी संघाला विजेतेपद

बलाढ्य महात्मा गांधी स्पोटर््स अकॅडमी संघाने आपल्या लौकिकानुसार खेळ करताना तुल्यबळ श्री समर्थ व्यायाममंदिर संघाचे कडवे आव्हान

मुंबई : बलाढ्य महात्मा गांधी स्पोटर््स अकॅडमी संघाने आपल्या लौकिकानुसार खेळ करताना तुल्यबळ श्री समर्थ व्यायाममंदिर संघाचे कडवे आव्हान १५-१० असे परतावून मुंबई महापौर चषक महिला खो-खो स्पर्धेचे जेतेपद पटकावले. पहिल्या डावातील आघाडी निर्णायक ठरवताना महात्मा गांधी संघाने शानदार बाजी मारली.बृहन्मुंबई महानगरपालिका आणि मुंबई उपनगर खो-खो संघटना यांच्या संयुक्त विद्यमानाने भांडुप येथील कोकण नगर येथे झालेल्या या स्पर्धेच्या अंतिम सामन्यात महात्मा गांधी संघाने आक्रमणासह उत्कृष्ट बचावाचे प्रदर्शन केले. पहिल्या डावात ९-६ अशी आघाडी घेतल्यानंतर, दुसऱ्या डावात पुन्हा वर्चस्व राखताना महात्मा गांधी संघाने ६-४ अशी आघाडी घेत श्री समर्थ व्यायाममंदिरचे आव्हान ५ गुणांनी परतावले. (क्रीडा प्रतिनिधी)