ब्रिसबेन : गाबाची लाईव्ह खेळपट्टी बघून आॅस्ट्रेलिया संघाचा नवा कसोटी कर्णधार स्टिव्ह स्मिथ खूश असून बुधवारपासून भारताविरुद्ध खेळल्या जाणाऱ्या दुसऱ्या कसोटी सामन्यात विजय मिळवित यजमान संघ मालिकेत २-० अशी आघाडी घेण्यास प्रयत्नशील असल्याचे त्याने सांगितले. आॅस्ट्रेलियाने अ‍ॅडिलेड कसोटीत ४८ धावांनी विजय मिळविला. स्मिथ म्हणाला, ‘आम्ही दुसऱ्या कसोटी सामन्यासाठी सज्ज असून मालिकेत २-० ने आघाडी घेण्यास उत्सुक आहोत. अ‍ॅडिलेड ओव्हल व युएईमध्ये पाकिस्तानविरुद्ध दोन कसोटी सामने खेळल्यानंतर प्रथमच वेगवान गोलंदाजांना अनुकूल खेळपट्टी मिळाली आहे, ही चांगली बाब आहे.’ स्मिथ पुढे म्हणाला, ‘खेळपट्टी वेगवान गोलंदाजांना अनुकूल असल्यामुळे मिशेल स्टार्क व जोश हेजलवुड यांना संघात स्थान देण्यात आले.’स्मिथ नियमित कर्णधार मायकल क्लार्कच्या स्थानी चौथ्या क्रमांकावर फलंदाजी करणार असून शॉन मार्श पाचव्या क्रमांकावर उतरणार आहे. (वृत्तसंस्था)
आघाडी २-० ने वाढविण्यास उत्सुक : स्टिव्ह स्मिथ
By admin | Updated: December 17, 2014 01:31 IST