शहरं
Join us  
Trending Stories
1
मराठ्यांचे वादळ मुंबईत धडकले, 'एक मराठा लाख मराठा'च्या घोषणांनी वाशी टोल नाका दणाणला
2
Manoj Jarange Patil Morcha Live: मराठ्यांचं भगवं वादळ मुंबईत दाखल; हजारो आंदोलकांसोबत मनोज जरांगे आझाद मैदानाकडे
3
आजचे राशीभविष्य, २९ ऑगस्ट २०२५: आर्थिक लाभ, प्रवास संभवतो, गोड बोलून काम पूर्ण करू शकाल
4
२८०० वाहनांमधून आंदोलक मुंबईत १५ दिवसांचा शिधा घेऊन आलोय; गावनिहाय बांधव मुंबईत, गाडीत राहण्यासह जेवणाची सोय
5
आज लोकसभेच्या निवडणुका झाल्यास कोण बाजी मारणार? भाजपा की काँग्रेस? सर्व्हेतून धक्कादायक आकडेवारी समोर  
6
जरांगेंच्यां आंदोलनाच्या पार्श्वभूमीवर आझाद मैदानावर १५०० हून अधिक पोलिसांची फौज
7
गुरुजींसाठी नवे वेळापत्रक; गुणवत्ता वाढवा; प्रशासकीय जबाबदाऱ्याही घ्या
8
आंदोलकांची नवी मुंबईत सोय आंदोलकांना मुंबई बाजार समितीचा आधार, दोन मार्केटमध्ये सुविधा, महिलांची स्वतंत्र सोय
9
शक्तिपीठ महामार्गाच्या वर्धा-सांगली टप्प्याला अखेर राज्य शासनाची मान्यता
10
भाजपचे डॅमेज कंट्रोल; फडणवीस यांच्या समर्थनार्थ लागले बॅनर
11
'हम दो हमारे तीन', प्रत्येक कुटुंबात तीन मुले असावीत': आरएसएस प्रमुख मोहन भागवत
12
संगमनेरचे आमदार अमोल खाताळ यांच्यावर हल्ला, सुरक्षारक्षकांनी हल्लेखोर तरुणाला घेतले ताब्यात
13
डॉन ‘डॅडी’ला जामीन मंजूर, पण शुक्रवारी सुटकेची शक्यता कमीच
14
ना बनवणार, ना विकणार! 'या' ८ जिल्ह्यांमध्ये फटाक्यांवर बंदी; नियमांचे पालन न केल्यास ५ वर्षांचा तुरुंगवास
15
भाजप आणि RSS मध्ये कुठलाही वाद नाही; संघप्रमुख मोहन भागवतांची स्पष्टोक्ती
16
कोल्हापुरातील शेतकऱ्यांना शक्तिपीठ महामार्गाबाबत दिलासा? राज्य सरकारने दिले आदेश; वाचा सविस्तर
17
नाशिकच्या देवळाली कॅम्पजवळ सैनिकाचे हँग ग्लायडर एका घरावर कोसळले; सरावादरम्यान दुर्घटना
18
नागपूर महामेट्रोच्या वित्त संचालकांना सायबर गुन्हेगारांकडून गंडा, गुगलवर बँकेचा नंबर शोधणे पडले महागात
19
Vidarbha Rain Alert: विदर्भातील 'या' जिल्ह्यांमध्ये पावसाचा जोर वाढणार, IMD ने दिला सतर्कतेचा इशारा
20
अथर्व सुदामेनंतर आता डॅनी पंडितने शेअर केलेल्या रीलची चर्चा, दिला हिंदू-मुस्लीम ऐक्याचा संदेश

आॅस्ट्रेलियाचा धावांचा डोंगर

By admin | Updated: December 28, 2014 00:56 IST

कर्णधार स्टीव्हन स्मिथ याने सलग तिसरे शतक ठोकूृन भारतीय गोलंदाजीच्या उणिवा चव्हाट्यावर आणल्या.

तिसरी कसोटी : स्मिथच्या १९२ धावांमुळे ५३० पर्यंत मजल; भारत १ बाद १०८ धावामेलबोर्न : कर्णधार स्टीव्हन स्मिथ याने सलग तिसरे शतक ठोकूृन भारतीय गोलंदाजीच्या उणिवा चव्हाट्यावर आणल्या. त्याने १९२ धावांची खेळी करताच आॅस्ट्रेलियाने तिसऱ्या कसोटीच्या पहिल्या डावात ५३० पर्यंत मजल गाठली. भारतानेही चोख प्रत्युत्तर देत सुरेख खेळ केला. दुसऱ्या दिवसाचा खेळ थांबला त्यावेळी मुरली विजयच्या नाबाद अर्धशतकी खेळीच्या बळावर १ बाद १०८ अशी वाटचाल केली. भारत अद्याप ४२२ धावांनी मागे असून, विजय ५५ आणि चेतेश्वर पुजारा २५ धावांवर खेळत होते. शिखर धवन २८ धावा काढून बाद झाला. आॅस्ट्रेलियाने सकाळी ५ बाद २५९ वरून पुढे खेळ सुरू केला. स्मिथने सातव्या शतकासह १९२ धावा ठोकल्या. त्याने ब्रॅड हॅडिन(५५)सोबत सहाव्या गड्यासाठी ११० आणि रेयॉन हरिस(७४)सोबत आठव्या गड्यासाठी १०६ धावांची भागीदारी केली. तळाच्या फलंदाजांनीही उपयुक्त योगदान दिले. स्मिथ सात तास मैदानावर होता. त्याने ३०५ चेंडू खेळून १५ चौकार व २ षटकार हाणले. करियरमधील ही त्याची सर्वोच्च खेळी ठरली.भारताकडून ईशांत शर्मा फ्लॉप ठरला. उमेश यादवने मात्र ३ गडी बाद केले. मोहम्मद शमी याने १३८ धावांत ४ गडी बाद केले. आॅफ स्पिनर रविचंद्रन अश्विनला १३४ धावांत ३ गडी बाद करता आले. दुसऱ्या सत्रात स्मिथ- हॅरिस जोडीने वेगाने धावा काढल्या. अखेर अश्विनने धावांना आवर घालत हॅरिसला बाद केले. भारताच्या डावात हॅरिसने धवनला बाद केले. धवनने स्लिपमध्ये स्मिथकडे सोपा झेल दिला. मुरली आणि पुजारा यांनी त्यानंतर कुठलीही जोखीम न पत्करता सावध धावा काढल्या. भारताला मालिका बरोबरीत सोडवायची झाल्यास हा सामना कुठल्याही स्थितीत जिंकावा लागेल. त्यासाठी मुरली-पुजारा यांना मोठी खेळावी करावी लागेल. यजमान संघ ज्या खेळपट्टीवर इतक्या मोठ्या धावा उभारतो, तेथे भारतीय फलंदाज धावा काढण्यात कुठवर बाजी मारतील, यावर भारताच्या विजयाचे समीकरण विसंबून असेल. (वृत्तसंस्था)विजयचा विक्रममुरली विजय आॅस्ट्रेलियात मालिकेत तीनपेक्षा अधिक अर्धशतके नोंदविणारा पहिला भारतीय ओपनर बनला. त्याने माजी सलामीवीर सुनील गावस्कर आणि के. श्रीकांत यांना मागे टाकले.गावस्करने १९७७ च्या दौऱ्यात तीन अर्धशतके ठोकली.श्रीकांतने ८६ च्या दौऱ्यात ही कामगिरी केली.मोठी धावसंख्या उभारू‘आम्ही प्रतिस्पर्धी फलंदाजांना लवकर गुंडाळू इच्छित होतो. पण स्टीव्हन स्मिथने समर्थ खेळी करीत आम्हाला बॅकफूटवर आणले. आम्ही अधिक धावा दिल्या हे खरे आहे, पण मोठी खेळी करू शकतो. खेळपट्टीवर नजर टाकल्यास या धावा अधिक नाहीत. खेळपट्टी मंद आणि पाटा झाली आहे. याचा लाभ घेत उद्या आम्ही चोख प्रत्युत्तर देण्याची तयारी करणार आहोत.’ - रविचंद्रन अश्विनधोनीचा विक्रममहेंद्रसिंग धोनीने शनिवारी आॅस्ट्रेलियाविरुद्धच्या कसोटी सामन्यात कारकीर्दीतील १३४ वी स्टंपिंग करताना आंतरराष्ट्रीय क्रिकेटमध्ये सर्वाधिक स्टंपिंगचा नवा विक्रम नोंदविला.धावफलकआॅस्ट्रेलिया पहिला डाव : ख्रिस रॉजर्स झे. धोनी गो. शमी ५७, डेव्हिड वॉर्नर झे. धवन गो. यादव ००, शेन वाटसन पायचित गो. अश्विन ५२, स्टीव्हन स्मिथ त्रि. गो. यादव १९२, शॉन मार्श झे. धोनी गो. शमी ३२, ज्यो बर्न्स झे. धोनी गो. यादव १३, ब्रॅड हॅडिन झे. धोनी गो. शमी ५५, मिशेल जॉन्सन यष्टिचित धोनी गो. अश्विन २८, रेयॉन हॅरिस पायचित गो. अश्विन ७४, नाथन लियॉन त्रि. गो. शमी ११, ज्योश हेजलवुड नाबाद ००, अवांतर : १६, एकूण : १४२.३ षटकांत सर्वबाद ५३० धावा. गडी बाद क्रम: १/०, २/११५, ३/११५, ४/१८४, ५/२१६, ६/२३६, ७/३७६, ८/४८२, ९/५३०, १०/५३०. गोलंदाजी : शर्मा ३२-७-१९४-०, यादव ३२.३-३-१३०-३, शमी २९-४-१३८-४, अश्विन ४४-९-१३४-३, विजय ५-०-१४-०.भारत पहिला डाव : मुरली विजय खेळत आहे ५५, शिखर धवन झे. स्मिथ गो. हॅरिस २८, चेतेश्वर पुजारा खेळत आहे. २५, अवांतर ००, एकूण: ३७ षटकांत १ बाद १०८ धावा. गडी बाद क्रम: १/५५. गोलंदाजी: मिशेल जॉन्सन ९-३-२४-०, रॅन हॅरिस ७-३-१९-१, हेजलवुड ९-४-१९-०, वाटसन ४-०-१४-०, नॅथन लियॉन ८-०-३२-०.