जकार्ता, आशियाई क्रीडा स्पर्धाः गतविजेत्या मलेशियाला पराभवाची चव चाखवून अंतिम फेरीत ऐटीत प्रवेश करणाऱ्या भारतीय महिला स्क्वॉश संघाला आशियाई स्पर्धेत रौप्यपदकावर समाधान मानावे लागले. अंतिम लढतीत हाँगकाँग संघने 2-0 अशा फरकाने भारतीय संघाला पराभूत करून सुवर्णपदक जिंकले.
दीपिका पल्लीकल, जोश्ना चिनप्पा, तन्वी खन्ना आणि सुनन्या कुरूविल्ला यांचा समावेश असलेल्या भारतीय संघाची मदार अनुभवी दीपिका आणि जोश्ना यांच्यावर होती. परंतु, त्यांना पराभव पत्करावा लागला.