Asian Games 2018: भारतीय महिला स्क्वॉश संघाने गतविजेत्या मलेशियाला नमवले

Asian Games 2018: भारतीय महिला स्क्वॉश संघाने आशियाई स्पर्धेच्या अंतिम फेरीत प्रवेश केला आहे. त्यांनी गतविजेत्या मलेशियाचा 2-0 असा पराभव केला.

जकार्ता, आशियाई क्रीडा स्पर्धाः भारतीय महिला स्क्वॉश संघाने आशियाई स्पर्धेच्या अंतिम फेरीत प्रवेश केला आहे. त्यांनी गतविजेत्या मलेशियाचा 2-0 असा पराभव केला. जोश्ना चिनप्पाने आशियाई स्पर्धेतील 9 पदकं नावावर असलेल्या निकोल डेव्हिडचा 12-1, 11-9, 6-11, 10-12, 11-9 असा पराभव केला. दीपिका पल्लीकलने एकेरीची दुसरी लढत जिंकून भारताला अंतिम फेरीत प्रवेश मिळवून दिला. 2014च्या आशियाई स्पर्धेत मलेशियाने भारतीय महिलांना अंतिम फेरीत पराभूत केले होते.