नवी मुंबई: प्रियकराने फोनवर 'ब्लॉक' केल्याच्या रागातून आणि नैराश्यातून एका २० वर्षीय तरुणीने चालत्या लोकल ट्रेनमधून वाशी खाडीत उडी मारून आत्महत्येचा प्रयत्न केला. आज सकाळी ८:३० च्या सुमारास ही खळबळजनक घटना घडली. सुदैवाने, वेळीच देवदूतासारख्या धावून आलेल्या मच्छिमारांमुळे या तरुणीचे प्राण वाचले आहेत.
मिळालेल्या माहितीनुसार, संबंधित तरुणी चेंबूरची रहिवासी असून ती हार्बर लाईनच्या लोकलने प्रवास करत होती. वाशी खाडी पुलावर ट्रेन येताच तिने दरवाजातून थेट खाडीत उडी घेतली. मात्र, तिच्या खांद्यावर सॅक (बॅग) अडकलेली होती, ज्यामध्ये हवा भरली गेल्याने ती पाण्यावर तरंगत राहिली.
मच्छिमारांचे प्रसंगावधानवाशी गावातील मच्छिमार महेश सुतार आणि त्यांच्या सहकाऱ्यांनी तरुणीला पाण्यात पडताना पाहिले. त्यांनी क्षणाचाही विलंब न लावता आपली बोट त्या दिशेला वळवली आणि बुडणाऱ्या तरुणीला सुखरूप बाहेर काढले. या साहसी कामगिरीमुळे तरुणीचे प्राण वाचले असून तिची प्रकृती आता स्थिर आहे.
कारण काय?वाशी पोलिसांनी या प्रकरणाची दखल घेतली असून तरुणीची चौकशी सुरू केली आहे. प्राथमिक चौकशीत तिने सांगितले की, तिच्या प्रियकराने कोणतेही कारण न देता तिला सोशल मीडियावर आणि फोनवर ब्लॉक केले होते, ज्यामुळे ती प्रचंड तणावाखाली होती. या प्रकरणी पोलीस अधिक तपास करत आहेत.
Web Summary : A 20-year-old girl jumped from a train into Vashi creek after her boyfriend blocked her. Fishermen rescued her. She was upset after being blocked on social media. Police are investigating.
Web Summary : एक 20 वर्षीय युवती ने प्रेमी द्वारा ब्लॉक किए जाने पर वाशी खाड़ी में चलती ट्रेन से छलांग लगा दी। मछुआरों ने उसे बचाया। सोशल मीडिया पर ब्लॉक होने से वह परेशान थी। पुलिस जांच कर रही है।