उरण : रायगड जिल्हा परिषदेच्या चार तर उरण पंचायत समितीच्या आठ जागांसाठी अशा एकूण १२ जागांसाठी मंगळवारी होणाऱ्या मतदानासाठी निवडणूक यंत्रणा सज्ज झाली आहे. उरण येथे असलेल्या ११४ मतदान केंद्रांसाठी कडक बंदोबस्तात निवडणूक साहित्याचे वाटप करण्यात आले.जिल्हा परिषदेच्या चार जागांसाठी १७, पंचायत समितीच्या आठ जागांसाठी २६ अशा एकूण १२ जागांसाठी ४३ उमेदवार निवडणुकीच्या रिंगणात आहेत. ९६,९२७ मतदार मतदान करणार आहेत. यामध्ये ४८,८०९ स्त्री तर ४८,११८ पुरुष मतदारांचा समावेश आहे. उरण तालुक्यात ११४ मतदान केंदे्र आहेत. यासाठी ५७५ कर्मचारी नियुक्त करण्यात आले आहेत. या ११४ मतदान केंद्रांसाठी निवडणूक साहित्याचे वाटप करून निवडणूक साहित्य पोलीस बंदोबस्तात मतदान केंद्राकडे रवाना झाले.
उरण तालुक्यात एकूण ११४ मतदान केंद्रे
By admin | Updated: February 21, 2017 06:18 IST