नवी मुंबई : नागरी विमान वाहतूक मंत्रालयाच्या देशव्यापी डिजीयात्रा उपक्रमात नवी मुंबई आंतरराष्ट्रीय विमानतळाने डिजिटल पद्धतीने अधिकृत सहभाग नोंदवला असून, अत्याधुनिक, तंत्रज्ञानाधारित प्रवास प्रक्रियेच्या दिशेने महत्त्वाचे पाऊल टाकले आहे. देशातील आणखी पाच विमानतळांवर हा उपक्रम एकाच वेळी सुरू करण्यात आला. या उपक्रमाचा उद्घाटन सोहळा शुक्रवारी दूरस्थ पद्धतीने पार पडला.
विमानतळाच्या टर्मिनलमध्ये मोठ्या स्क्रीनवर कार्यक्रमाचे थेट प्रक्षेपण करण्यात आले. यावेळी प्रतीकात्मक स्वरूपात तीन प्रवाशांनी डिजीयात्रा ई-गेटचा वापर करत बायोमेट्रिक प्रवेशद्वाराचे रिबन कापले. उपस्थित प्रवाशांनीही या नव्या सुविधेबाबत उत्सुकता व्यक्त केली.
नव्या प्रणालीमध्ये चेहऱ्यावरील ओळख तंत्रज्ञानाचा वापर; सुरक्षा तपासणी सुलभ
डिजीयात्रा प्रणालीमध्ये चेहऱ्यावरील ओळख (फेशियल रिकग्निशन) तंत्रज्ञानाचा वापर करण्यात येतो. या प्रणालीमुळे विमानतळ प्रवेश, सुरक्षा तपासणी आणि बोर्डिंग प्रक्रिया अधिक वेगवान व सुलभ होते.
संपूर्ण प्रक्रिया कॉन्टॅक्टलेस व पेपरलेस असल्याने प्रवाशांचा प्रतीक्षा कालावधी कमी होणार आहे. तसेच डेटा गोपनीयता आणि सायबर सुरक्षेचे आवश्यक मानदंड काटेकोरपणे पाळले जात असल्याचे यावेळी स्पष्ट करण्यात आले.
डिजीयात्रा उपक्रमामुळे नवी मुंबई विमानतळाची आधुनिक, प्रवासी-केंद्रित ओळख अधिक भक्कम होईल, असा विश्वास यावेळी व्यक्त करण्यात आला.
Web Summary : Navi Mumbai International Airport embraces DigiYatra, streamlining boarding with facial recognition. This contactless, paperless system speeds up security and entry, reducing wait times. Data privacy and cybersecurity are prioritized, enhancing passenger experience and efficiency. Five other airports launched simultaneously.
Web Summary : नवी मुंबई अंतर्राष्ट्रीय हवाई अड्डे ने डिजीयात्रा अपनाई, चेहरे की पहचान से बोर्डिंग सुव्यवस्थित। यह संपर्क रहित, पेपरलेस प्रणाली सुरक्षा और प्रवेश को गति देती है, प्रतीक्षा समय कम करती है। डेटा गोपनीयता और साइबर सुरक्षा को प्राथमिकता दी जाती है, यात्री अनुभव और दक्षता बढ़ रही है। पांच अन्य हवाई अड्डों पर एक साथ लॉन्च किया गया।