लोकमत न्यूज नेटवर्क, नवी मुंबई : वाशी विभागात नाकाबंदीमध्ये वाहन तपासणी करत असताना एका कारमध्ये १६ लाख १६ हजार रुपयांची रोकड सापडली. निवडणूक विभागाने ही रक्कम जप्त केली असून, पैसे कोठून व कशासाठी आणले याची तपासणी केली जात आहे.
नवी मुंबईत निवडणूक विभागाने भरारी पथके व तपासणी पथके तयार केली आहेत. या माध्यमातून संपूर्ण शहरभर लक्ष ठेवले जात आहे. नाकाबंदी करून वाहनांची तपासणी सुरू केली आहे. शुक्रवारी दुपारी साडेबारा वाजता तुर्भे विभागातील प्रभाग १४, १५, १९ व २० मधील तपासणी पथकाने वाशीतील अरेंजा कॉर्नर येथे एका मर्सिडीज कारची तपासणी केली. कारमध्ये साध्या पिशवीमध्ये राेख ठेवल्याचे आढळून आले.
व्हिडीओ चित्रीकरण करून पैसे मोजण्यात आले. सर्व रक्कम जप्त करण्यात आली आहे. आयकर विभाग व जीएसटी विभागालाही याविषयी माहिती देण्यात आली आहे. सहायक निवडणूक निर्णय अधिकारी सागर मोरे, आचार संहिता कक्षाचे नोडल अधिकारी अमोल पालवे, तुषार दौंडकर, अधीक्षक वसुली अधिकारी संजय गायकवाड, सचिन सूर्यवंशी, अजय शेलार व पथकातील इतर सदस्यांची ही कारवाई केली आहे.
Web Summary : Election officials seized ₹1.6 million from a car in Vashi, Navi Mumbai, during a vehicle check. Authorities are investigating the source and intended use of the cash. The Income Tax and GST departments have been informed about the seizure.
Web Summary : नवी मुंबई के वाशी में वाहन जांच के दौरान चुनाव अधिकारियों ने एक कार से ₹16 लाख जब्त किए। अधिकारी नकदी के स्रोत और इच्छित उपयोग की जांच कर रहे हैं। आयकर और जीएसटी विभागों को जब्ती के बारे में सूचित किया गया है।