पनवेल : तळोजा एमआयडीसीमधील भूखंड क्रमांक जे 39 याठिकाणी रसायनांवर प्रक्रिया करणाऱ्या कारखान्याला भीषण आग लागली होती. यामध्ये एका अग्निशमन दलातील जवानाला प्राण गमवावे लागले आहेत.
एका कारखान्याला शुक्रवारी रात्री 11 च्या सुमारास लागलेली आग नियंत्रणात आणण्यासाठी कर्तव्यावर असलेल्या अंबरनाथ अग्निशमन दलातील बी डी देशमुख (32) या जवानांचा गुदमरून मृत्यू झाला आहे. या व्यतिरिक्त इतर जवानही या घटनेत बाधित झाले असून त्यांना एमजीएम रुग्णालयात दाखल करण्यात आले आहे.