पनवेल महानगरपालिका हद्दीत धावणार ई-रिक्षा

दिवसेंदिवस पनवेल आणि परिसरातील प्रदूषणात वाढ होत आहे. त्यामुळे याठिकाणी ई-रिक्षा सुरू करण्यात याव्या, अशी मागणी उत्कर्ष सांस्कृतिक कला व क्रीडा मंडळाने महापालिका आयुक्त

पनवेल : दिवसेंदिवस पनवेल आणि परिसरातील प्रदूषणात वाढ होत आहे. त्यामुळे याठिकाणी ई-रिक्षा सुरू करण्यात याव्या, अशी मागणी उत्कर्ष सांस्कृतिक कला व क्रीडा मंडळाने महापालिका आयुक्त डॉ. सुधाकर शिंदे यांच्याकडे निवेदन देऊन केली.उत्कर्ष सांस्कृतिक कला व क्रीडा मंडळाचे अ‍ॅड. मनोज भुजबळ, माजी नगरसेवक सुभाष भुजबळ, अध्यक्ष राकेश भुजबळ व त्यांचे सहकारी यावेळी उपस्थित होते. पनवेल महानगरपालिका हद्दीत शासकीय, निमशासकीय व खासगी कार्यालये, शाळा व महाविद्यालयांची संख्या मोठी आहे. त्यामुळे दररोज हजारो खासगी वाहनांची शहरात वर्दळ असते. त्यामुळे ध्वनी व वायू प्रदूषणात मोठी वाढ होत असून त्याचा परिणाम आरोग्यावर होत आहे. याला पर्याय म्हणून शहरात ई-रिक्षा सुरू करण्यात याव्या, अशी मागणी मंडळाच्या वतीने महापालिका आयुक्तांकडे करण्यात आली आहे. मंडळाच्या माध्यमातून काही तरुणांना ई-रिक्षा घेण्यास मदत करण्यात येणार असल्याचेही भुजबळ यांनी सांगितले. (वार्ताहर)