नवी मुंबई : वाशी येथे बेवारस मृतदेह आढळून आल्याची घटना रविवारी घडली. खाडी किनाऱ्याच्या भागात मृतदेह असल्याची माहिती वाशी पोलिसांना मिळाली होती. त्याद्वारे पोलिसांनी मृतदेह ताब्यात घेतला असून ओळख पटविण्याचे काम सुरू आहे.
वाशी गाव येथील जागृतेश्वर मंदिराच्या मागील बाजूस हा प्रकार घडला आहे. त्याठिकाणी खाडीकिनारी भागात काही अंतरावर एक मृतदेह पाण्यावर तरंगत असल्याची माहिती पोलिसांना मिळावी होती. त्याद्वारे पोलिसांनी मच्छिमारांच्या मदतीने हा मृतदेह बाहेर काढला. साधारण २५ ते ३० वयोगटातल्या तरुणाचा हा मृतदेह आहे. परंतु अनेक दिवस पाण्यात पडून असल्याने तो कुजलेल्या अवस्थेत होता. यामुळे त्याची ओळख पटली नाही. दरम्यान शहरातून बेपत्ता व्यक्तींची माहिती मिळवून मृतदेहाची ओळख पटवण्याचे प्रयत्न वाशी पोलीस करत आहेत.