नवी मुंबई : सोमवारी होणाऱ्या मतदानाच्या प्रक्रियेत एनएमएमटीच्या ६८ बस पुरवण्यात आल्या आहेत. स्ट्राँगरूममधून ईव्हीएम मशिन मतदान केंद्रापर्यंत पोहोचवण्यासह मतदानानंतर पुन्हा त्या स्ट्राँगरूममध्ये नेण्यासाठी त्यांचा वापर केला जाणार आहे. ऐरोली, पनवेल व उरण विधानसभा क्षेत्रात या गाड्या वापरल्या जाणार आहेत.
संबंधित विधानसभा क्षेत्रातील निवडणूक अधिकाऱ्यांकडून झालेल्या मागणीनुसार या बस पुरवण्यात आल्या असल्याचे परिवहन व्यवस्थापक शिरीष आरदवाड यांनी सांगितले. त्यानुसार निवडणुकीच्या प्रक्रियेतील अधिकारी व बंदोबस्तावरील पोलीस कर्मचारी यांच्या वाहतुकीसाठीही या गाड्यांचा वापर केला जाणार आहे.