१ प्रशासक, २२ सोसायट्या! सहकार नियमांना हरताळ; नवी मुंबईत अधिनियमाचा भंग झाल्याचा गंभीर आरोप

नवी मुंबईतील विभागीय सहनिबंधक सहकारी संस्था कार्यालयाच्या भूमिकेवरही संशयाची छाया निर्माण झाली आहे.

वैभव गायकर

पनवेल - नवी मुंबई विभागीय सहनिबंधक कार्यालयाने १ जानेवारी २०२४ ते १० ऑक्टोबर २०२५ या कालावधीत १८६ सहकारी गृहनिर्माण संस्थांवर २० प्रशासकांची नेमणूक केल्याचे माहिती अधिकारातून समोर आले आहे. मात्र, सहकार कायद्यानुसार एका प्रशासकाची जास्तीत जास्त तीन सोसायट्यांवर, तेही एका वर्षासाठी नियुक्ती करता येते. असे असतानाही एका प्रशासकाकडे  २२ सोसायट्यांची जबाबदारी देण्यात आल्याने सहकार संस्था अधिनियम १९६० मधील कलम ७७अ व ७८ चा भंग झाल्याचा गंभीर आरोप करण्यात आला आहे.

माहिती अधिकार कार्यकर्ते सुभाष बसवेकर यांनी या संदर्भात ३ फेब्रुवारी २०२५ रोजी सहकार पणन मंत्री बाबासाहेब पाटील यांच्याकडे लेखी तक्रार दाखल केली आहे. काही प्रशासकांनी सोसायट्यांचे मालक असल्याप्रमाणे कारभार हाकत मोठ्या प्रमाणावर आर्थिक गैरव्यवहार केल्याचा आरोप तक्रारीत करण्यात आला आहे. 

संशयाची गडद छाया प्राथमिक तक्रारीची दखल घेत उपनिबंधक प्रताप पाटील यांनी चौकशीचे आदेश दिले असून, चौकशीनंतर अनेक प्रशासकांवर कारवाई होण्याची शक्यता आहे. प्रशासक नियुक्ती प्रक्रियेत मोठ्या प्रमाणात अनियमितता झाल्याचे प्राथमिक तपासात दिसून येत असून, नवी मुंबईतील विभागीय सहनिबंधक सहकारी संस्था कार्यालयाच्या भूमिकेवरही संशयाची छाया निर्माण झाली आहे.

पनवेल व नवी मुंबई परिसरातील गृहनिर्माण संस्थांवर थेट नियंत्रण असलेल्या निबंधक कार्यालयाने प्रशासकांची नावानिशी माहिती उपलब्ध करून दिली आहे. त्यानुसार, एकाच प्रशासकाकडे २२ तर अन्य काही प्रशासकांकडे १६, १५, १४ व १२ सोसायट्यांची जबाबदारी देण्यात आली आहे. तसेच पाच प्रशासकांकडे प्रत्येकी दहा सोसायट्यांचा कारभार आहे.  

किती सोसायट्यांची जबाबदारी कोणाकडे ?१) शरद मारुती घोलप    २२२) संतोष रामसिंगे    १६ ३) शंकर शेलार    १५४) शिवाजीराव पाटील    १४५) विशाल निंबाळकर    १२६) आनंद म्होळे    १०७) चंद्रकांत शिर्के    १०८) धरमदीप डँग    १०९) प्रतीक मिश्रा    १०१०) ए. बी. जाधव    १०११) शंकर गाडे    ९१२) स्नेहल खेडकर    ८ १३) विधी येणगे    ७१४) विशाल बापू भाईक    ६१५) शंकर मनोहर सकपाळ    ६१६) प्रशांत काळे    ६१७) अक्षय साबळे    ६१८) अदिती कुलकर्णी    ५१९) अतुल गणेश कुलकर्णी    ५२०) गणेश सखाराम सुर्वे    ५