नवी दिल्ली: नवी दिल्लीतील प्रगती मैदान येथील भारत मंडपममध्ये आयोजित 'एआय इम्पॅक्ट समिट' दरम्यान गोंधळ घालणाऱ्या भारतीय युथ काँग्रेसच्या चार कार्यकर्त्यांना दिल्ली न्यायालयाने ५ दिवसांची पोलीस कोठडी सुनावली आहे. आंतरराष्ट्रीय प्रतिनिधींच्या उपस्थितीत अंगावरील कपडे काढून आंदोलन केल्याने आणि देशविरोधी घोषणाबाजी केल्याचा ठपका त्यांच्यावर ठेवण्यात आला आहे.
शुक्रवारी भारत मंडपममध्ये जागतिक स्तरावरील एआय समिट सुरू असताना युथ काँग्रेसच्या कार्यकर्त्यांनी अचानक आंदोलनास सुरुवात केली. आंदोलकांनी अंगावरील शर्ट काढून घोषणाबाजी केली. पोलिसांनी तात्काळ कारवाई करत चौघांना ताब्यात घेतले. शनिवारी त्यांना न्यायदंडाधिकारी रवी यांच्यासमोर हजर करण्यात आले.
पोलीस आणि वकिलांचा युक्तिवाददिल्ली पोलिसांनी न्यायालयात सांगितले की, आंदोलकांनी पंतप्रधानांच्या आक्षेपार्ह फोटोंचे टी-शर्ट घातले होते. तसेच नेपाळमधील 'जेन-झेड' आंदोलनाच्या धर्तीवर देशाला विभागणाऱ्या आणि देशविरोधी घोषणा दिल्या. या आंदोलनामुळे काही पोलीस कर्मचारी जखमी झाले असून, यामागील कटाचा तपास करण्यासाठी ५ दिवसांची कोठडी आवश्यक आहे.
बचाव पक्षाचा दावाआंदोलकांच्या वकिलांनी असा युक्तिवाद केला की, हे केवळ एक शांततापूर्ण लोकशाही आंदोलन होते. देशविरोधी घोषणाबाजी किंवा पोलिसांवर हल्ला केल्याचा कोणताही पुरावा पोलिसांकडे नाही.
Web Summary : Youth Congress activists disrupted Delhi's AI summit with a 'shirtless' protest, chanting anti-national slogans. Four have been remanded to five days police custody following the chaos at Bharat Mandapam. Police claim the protest was pre-planned.
Web Summary : दिल्ली में एआई समिट में यूथ कांग्रेस कार्यकर्ताओं का प्रदर्शन, राष्ट्रविरोधी नारे लगाए। भारत मंडपम में हंगामे के बाद चार को पांच दिन की पुलिस हिरासत में भेजा गया। पुलिस का दावा है कि विरोध प्रदर्शन पूर्व नियोजित था।