शहरं
Join us  
Trending Stories
1
Devendra Fadnavis on Raj Thackeray Uddhav Thackeray Vijayi Melava : राज ठाकरेंचे आभार, बाळासाहेबांचे आशीर्वाद आज मलाच मिळत असतील- देवेंद्र फडणवीस
2
Raj Thackeray Uddhav Thackeray Vijayi Melava Marathi : "अडवाणी ख्रिश्चन मिशनरी स्कूलमध्ये शिकले, त्यांच्या हिंदुत्वावर शंका घेऊ का?"; राज ठाकरेंनी यादीच वाचली...
3
Post Office ची जबरदस्त स्कीम, केवळ व्याजातूनच होईल ₹८२,००० ची कमाई; एकरकमी गुंतवणूक करावी लागणार
4
"हिंदुत्व ही कोणत्याही भाषेची मक्तेदारी नाही, आम्ही मराठी बोलणारे तुमच्यापेक्षा…’’, उद्धव ठाकरेंनी भाजपाला सुनावले
5
राज ठाकरेंचं कौतुक, उद्धव ठाकरेंवर टीका, विजय सभेवर शिंदे गटाची प्रतिक्रिया, केलं असं भाकित
6
Raj Thackeray Udddhav Thackeray Family Photo : संपूर्ण ठाकरे कुटुंब एकाच व्यासपीठावर एकत्र... खास पोज देत काढला 'फॅमिली फोटो'
7
Viral Video : धबधब्यावर करत होते धमाल, अवघ्या ५ सेकंदात निसर्गानं दाखवली कमाल! व्हिडीओ व्हायरल
8
"मुंबईत सत्तेत असताना मराठी माणसाला हद्दपार केलं आणि आता सत्ता मिळवण्यासाठी पुन्हा..."
9
भारताच्या शत्रूसोबत अजरबैजानची १७ हजार कोटींची डील, काय आहे त्यांचा प्लान?
10
"आमच्यासारख्या गावठीवर त्याने...", अखेर शरद उपाध्ये-निलेश साबळे वादावर CHYDचा कलाकार बोलला, काय म्हणाला?
11
राज ठाकरेंजवळ आदित्य, उद्धव ठाकरेंजवळ अमित, सुप्रिया सुळेंनी एकत्र आणलं; पाहा Video
12
Ashadhi Ekadashi 2025: एकादशी व्रताचे पालन म्हणजे थेट विष्णुकृपा; आषाढीपासून होते सुरुवात!
13
Uddhav Thackeray pats Raj Thackeray Video : कौतुकाची थाप..!! राज ठाकरे यांच्या भाषणानंतर उद्धव ठाकरे यांच्या कृतीने मराठी माणूस सुखावला...
14
"निवडणुकीत हरणार म्हणून कुटुंब "तहात" जिंकण्याचा प्रयत्न"; भाजपाचा पलटवार
15
"३० वर्ष झाली तरी मराठी माणसासारखी..."; सुशील केडियांनी राज ठाकरेंची जाहीर माफी मागितली
16
Zerodha च्या संस्थापकांचा मोठा इशारा, एक्सचेज आणि ब्रोकर्ससाठी वाईट ठरू शकतं हे वृत्त; का म्हणाले नितीन कामथ असं?
17
Raj-Uddhav Thackeray Vijayi Melava Live Update: ...तर आहोत आम्ही गुंड; उद्धव ठाकरेंचं मुख्यमंत्री फडणवीसांना आव्हान
18
Raj Thackeray : "तुमच्याकडे सत्ता विधान भवनात असेल, आमच्याकडे रस्त्यावर...",हिंदी सक्तीवरुन राज ठाकरेंचा राज्य सरकारला इशारा
19
Uddhav Thackeray : "आमच्या दोघांमधला अंतरपाट अनाजी पंतांनी दूर केला"; उद्धव ठाकरेंचा फडणवीसांना टोला
20
Raj Thackeray : ठाकरेंची मुलं इंग्रजी मीडियममध्ये शिकली, या आरोपावर राज ठाकरेंनी स्पष्टच सांगितलं

योग दिनाची रंगीत तालीम; पाच हजार जवान होणार सहभागी

By admin | Updated: June 20, 2015 00:49 IST

मुंबईसह देशाचा अनेक भाग मुसळधार पावसाने ओलाचिंब झाला असताना २१ जूनच्या आंतरराष्ट्रीय योग दिनासाठी राजधानी दिल्लीसह विविध राज्यांमध्ये जय्यत तयारी सुरू आहे.

नवी दिल्ली : मुंबईसह देशाचा अनेक भाग मुसळधार पावसाने ओलाचिंब झाला असताना २१ जूनच्या आंतरराष्ट्रीय योग दिनासाठी राजधानी दिल्लीसह विविध राज्यांमध्ये जय्यत तयारी सुरू आहे. लाखो लोक योगाभ्यासात व्यग्र आहेत. शुक्रवारी योग दिनाच्या रंगीत तालमीदरम्यान राजपथ हजारो लोकांनी फुलून गेले होते. राजपथावर रंगीत तालीमराजपथावरील रंगीत तालमीत विविध शाळांचे विद्यार्थी आणि एनसीसी कॅडेटसह १२,००० लोकांनी योगाभ्यास केला, अशी माहिती या समारंभाच्या समन्वयाची जबाबदारी सांभाळणाऱ्या आयुष मंत्रालयाच्या अधिकाऱ्यांनी दिली. रंगीत तालीम सकाळी ७ वाजता सुरू होऊन ७.३३ ला संपली. रविवारीसुद्धा याच वेळी योगासने केली जातील. रंगीत तालमीत सहभागी होणाऱ्यांना आसन बघता यावे म्हणून राजपथावर २३ भव्य एलईडी स्क्रीन लावण्यात आले आहेत. राजपथावरील योग दिन समारंभात ३५ हजारांवर लोक सहभागी होतील अशी अपेक्षा आहे.पाच हजार जवानांचा सहभागविशेष म्हणजे केंद्रीय दलांचे ५,००० जवान राजपथवर नागरिकांसोबत योगासने करणार आहेत. यामध्ये कें द्रीय औद्योगिक सुरक्षा दल, कें द्रीय राखीव पोलीस दल (सीआरपीएफ)आणि सीमा सुरक्षा दलाचे (बीएसएफ) प्रत्येकी १२०० जवान, तर भारत-तिबेट सीमा दल (आयटीबीपी) आणि सशस्त्र सीमा दलाचे (एसएसबी) प्रत्येकी ७०० जवानांचा समावेश राहील. परराष्ट्र व्यवहारमंत्री सुषमा स्वराज संयुक्त राष्ट्र मुख्यालयात आयोजित भव्य समारंभाचे नेतृत्व करणार असून गृहमंत्री राजनाथसिंग लखनौमधील योग शिबिरात सहभागी होतील. लखनौ, पाटणा आणि कोलकात्यात भव्य योग शिबिरांचे आयोजन करण्यात आले आहे. शहर विकास मंत्री वेंकय्या नायडू चेन्नईला जाणार असून तेथे ३० हजारांवर लोक योगाभ्यासात सहभागी होतील अशी अपेक्षा आहे. पर्यटनमंत्री महेश शर्मा नोएडास्थित आपल्या मतदारसंघात हजेरी लावतील. कायदामंत्री डी.व्ही. सदानंद गौडा केरळची राजधानी तिरुवअनंतपूरममध्ये, तर आरोग्यमंत्री जे.पी.नड्डा हैदराबादच्या संजीवय्या पार्कमधील योग शिबिरात भाग घेतील. संरक्षणमंत्री मनोहर पर्रीकर मेरठमध्ये योगाभ्यास करतील आणि महिला व बालविकासमंत्री मेनका गांधी पिलीभीत या त्यांच्या मतदारसंघात योग शिबिराला उपस्थित असणार आहेत.कें द्रीय मंत्र्यांकडे वेगवेगळ्या राज्यांची जबाबदारी सोपविण्यात आली असल्याचे आयुष मंत्री श्रीपाद नाईक यांनी सांगितले. माहिती व प्रसारण राज्यमंत्री राज्यवर्धनसिंग राठोड दिल्लीत, तर मनुष्यबळ विकासमंत्री स्मृती इराणी या दिवशी शिमल्याला असणार आहेत.उत्तराखंड सरकारने पवित्रा बदललाआंतरराष्ट्रीय योग दिन समारंभात सहभागी होणार नाही असे सांगणाऱ्या उत्तराखंड सरकारने पवित्रा बदलला असून अधिकृतपणे या कार्यक्रमात सहभागाचा निर्णय घेतला आहे. मुख्यमंत्री हरीश रावत डेहराडूनमध्ये राज्यस्तरीय योग शिबिराचे उद्घाटन करतील. आरोग्य विभागाचे प्रधान सचिव ओमप्रकाश यांनी ही माहिती दिली. विशेष म्हणजे रावत यांनी दोन दिवसांपूर्वीच एका पत्रपरिषदेत आंतरराष्ट्रीय योग दिन म्हणजे प्रचाराची कवायत असल्याची टीका करून राज्यात कुठल्याही सरकारी कार्यक्रमाचे आयोजन केले जाणार नाही, असे जाहीर केले होते. (लोकमत न्यूज नेटवर्क)