जम्मू : इराणचे सर्वोच्च नेते अयातुल्लाह अली खामेनेई यांच्या मृत्युबद्दल जम्मू-काश्मीरचे मुख्यमंत्री उमर अब्दुल्ला यांनी मंगळवारी निषेध व्यक्त केला. तसेच काश्मिरी नागरिकांनी संयम दाखवून कायदेशीर मार्गांनी आपल्या भावना व्यक्त कराव्यात, असे आवाहनही त्यांनी केले. कोणत्या कायद्याने अमेरिका आणि इस्रायलला खामेनेई यांची हत्या करण्याचा अधिकार दिला, असा प्रश्नही त्यांनी पत्रकारांशी बोलताना उपस्थित केला.
“खामेनेई आणि त्यांच्या कुटुंबाच्या हत्येचा मी तीव निषेध व्यक्त करतो. आता इराणने कोणत्याही बाह्य हस्तक्षेपाशिवाय आपल्या नव्या नेत्याची निवड करावी”, असे मुख्यमंत्री अब्दुल्ला म्हणाले. जम्मू - काश्मीरच्या नागरिकांनी परिस्थिती चिघळेल, असे कोणतेही कृत्य करू नये, असे आवाहनही त्यांनी केले. “पोलिस किंवा केंद्रीय निमलष्करी दलांनी आपल्या अधिकारांचा गैरवापर केला किंवा अतिरेक केला आणि त्याची निष्पत्ती कुणाच्या दुखापतीत झाली, तर तो लोकांच्या तीव्र भावनांशी खेळ ठरेल”, असा इशाराही त्यांनी खामेनेई यांच्या मृत्युनंतर काश्मीर खोऱ्यात उसळलेल्या हिंसाचाराच्या पार्श्वभूमीवर दिला.
काही लोक राज्यातील वातावरण बिघडवण्याचा प्रयत्न करीत आहेत. काही ठिकाणांहून अप्रिय घटना घडल्याची वृत्त येत आहेत. या पार्श्वभूमीवर केंद्रीय निमलष्करी दलांनी आणि पोलिसांनी बळाचा वापर करू नये, असे अब्दुल्ला म्हणाले. (वृत्तसंस्था)
Web Summary : Omar Abdullah condemned Khamenei's killing, questioning America's authority. He urged Kashmiris to express grief lawfully, warning against escalating violence. Abdullah cautioned security forces against excessive force amid unrest.
Web Summary : उमर अब्दुल्ला ने खामेनेई की हत्या की निंदा की और अमेरिका के अधिकार पर सवाल उठाया। उन्होंने कश्मीरियों से कानूनी रूप से शोक व्यक्त करने का आग्रह किया और हिंसा बढ़ने के खिलाफ चेतावनी दी। अब्दुल्ला ने अशांति के बीच सुरक्षा बलों को अत्यधिक बल प्रयोग के खिलाफ चेतावनी दी।