तामिळनाडूमधील तिरुवन्नामलाई जिल्ह्यातील का प्राचीन शिव मंदिराच्या जीर्णोद्धारादरम्यान, मौल्यवान खनिजा सापडला आहे. येथे खोदकाम करत असलेल्या कामगारांना मातीच्या एका कलशामध्ये ठेवलेल्या १०० हून अधिक सुवर्णमुद्रा सापडल्या. ही घटना जव्वादू पर्वताजवळ असलेल्या कोविलूर या गावातील आहे.
मिळालेल्या माहितीनुसार मंदिराच्या मुख्य गर्भगृहामध्ये दुरुस्तीचं काम सुरू होतं. त्यावेळी कामागारांना खोदकाम करत असताना मातीखाली दबलेला एक मातीचं एक मडकं मिळालं. हे मडकं उघडल असता त्यामध्ये सोन्याची १०३ जुनी नाणी सापडली. हे मडकं उघडलं असता त्यामध्ये सोन्याची १०३ जुनी नाणी होती. याची माहिती त्वरित पोलिसांना देण्यात आली.
पोलूर पोलीस ठाण्यातील एका वरिष्ठ अधिकाऱ्याने सांगितले की, हे मंदिर शेकडो वर्षे जुने आहे. तसेच याचं बांधकाम चोल सम्राट राजराजा चोलन तृतीय याच्या काळात झालं होतं. मंदिरामध्ये सुरू असलेल्या जीर्णोद्धाराच्या कामादरम्यान, हा ऐतिहासिक शोध समोर आला.
घटनेची माहिती मिळताच महसूल विभाह आणि हिंदू धार्मिक आणि धर्मार्थ निधी विभागाच्या अधिकाऱ्यांनी घटनास्थळी धाव घेतली. त्यांनी नाणी आपल्या ताब्यात घेत तपास सुरू केला. दरम्यान, पोलिसांनी या प्रकरणी कुठलाही गुन्हा नोंदवलेला नाही.
अधिकाऱ्यांनी दिलेल्या माहितीनुसार या सोन्याच्या नाण्यांची ऐतिहासिक पार्श्वभूमी आणि कालखंडाची माहिती घेण्यासाठी तज्ज्ञांची एक टीम बनवण्यात येत आहे. ही नाणी चोल राजवटीच्या काळातील असू शकतात, असा एक अंदाज आहे.
Web Summary : During renovation in a Tamil Nadu temple, workers discovered over 100 gold coins in a clay pot. The find occurred in Kovilur, near the Javvadhu Hills. Authorities are investigating the coins' origins, suspected to be from the Chola dynasty.
Web Summary : तमिलनाडु के एक मंदिर में जीर्णोद्धार के दौरान, मजदूरों को एक मिट्टी के बर्तन में 100 से अधिक सोने के सिक्के मिले। यह खोज जव्वादु पहाड़ियों के पास कोविलूर में हुई। अधिकारी सिक्कों की उत्पत्ति की जांच कर रहे हैं, जो चोल राजवंश के होने का संदेह है।