भाजप सरकार बंगालमधील ‘सिंडिकेट राज’ संपवेल, अमित शाह यांचं आश्वासन

West Bengal Assembly Election 2026: भारतीय जनता पक्ष पश्चिम बंगालमध्ये सत्तेवर आला तर तृणमूल काँग्रेसचे ‘सिंडिकेट राज’ संपवेल, असा दावा केंद्रीय गृहमंत्री अमित शाह यांनी शनिवारी येथे एका जाहीर सभेत केला. राज्यात महिलांवर अत्याचार करणाऱ्यांना न्याय मिळवून दिला जाईल, असे आश्वासन त्यांनी दिले.

ओंडा (पश्चिम बंगाल)  - भारतीय जनता पक्ष पश्चिम बंगालमध्ये सत्तेवर आला तर तृणमूल काँग्रेसचे ‘सिंडिकेट राज’ संपवेल, असा दावा केंद्रीय गृहमंत्री अमित शाह यांनी शनिवारी येथे एका जाहीर सभेत केला. राज्यात महिलांवर अत्याचार करणाऱ्यांना न्याय मिळवून दिला जाईल, असे आश्वासन त्यांनी दिले.

बांकुरा जिल्ह्यातील ओंडा येथे सभेत शाह यांनी बटाटा उत्पादक शेतकऱ्यांना चांगला भाव मिळावा म्हणून त्यांचा माल देशभरात पाठवला जाईल, असे आश्वासन दिले. ‘डायमंड क्वीन’ला बाय बाय करण्याची वेळ आता आली आहे, असेही ते म्हणाले.

रे यांच्या चित्रपटाचा संदर्भशाह यांनी ऑस्कर-विजेते चित्रपट निर्माते सत्यजित रे यांच्या १९८०च्या ‘हिरक राजार देशे’ या चित्रपटाचा संदर्भ दिला. हा चित्रपट आपल्या विरोधकांवर आणि प्रजेवर अत्याचार करणाऱ्या एका हुकूमशहा  राजाची कथा सांगतो, असे ते म्हणाले.