सीमा हैदर तिच्या लव्हस्टोरीमुळे भारतापासून पाकिस्तानपर्यंत प्रसिद्ध झाली होती. नेपाळमार्गे भारतात आलेली सीमा हैदर तिचा प्रियकर आणि पती सचिन मीणासोबत ग्रेटर नोएडामध्ये नवीन घरात राहत आहे. आता सीमा हैदरने आपल्या भावना व्यक्त करत टीम इंडियाचा स्टार फलंदाज विराट कोहलीबद्दल एक मोठं विधान केलं आहे.
सीमा हैदरने एका मुलाखतीदरम्यान सांगितलं की, आता नवीन घर बांधल्यानंतर ती एका खास पाहुण्याची वाट पाहत आहे. तिला विराट कोहली खूप आवडतो आणि तिच्या खोलीत त्याचा फोटो आहे. ती त्याला भेटण्याची वाट पाहत आहेत. ती दिवस-रात्र त्याचा फोटो बघत असते. तिला मुलाखतीत याबाबत प्रश्न विचारण्यात आला की, तू विराटचा फोटो पाहत असतेस तर सचिनला राग येत नाही का? त्यावर तिने सचिन आयुष्य आहे पण विराट कोहली माझा क्रश आहे असं म्हटलं.
सीमा हैदरने याच दरम्यान एक खास कॉफी मग दाखवला ज्यावर विराट कोहलीचा फोटो होता. सीमाने सांगितलं की, केवळ तिलात नाही तर तिचा नवरा सचिन मीणालाही विराट कोहली खूप आवडतो. सचिनला विराटच्या क्रिकेट विश्वचषकातील कामगिरीबद्दल प्रश्न विचारण्यात आला तेव्हा तो म्हणाला की, तो विराट कोहलीचा फॅन आहे, त्यामुळे जर त्याच्या पत्नीला विराट आवडत असेल तर त्याला काहीच हरकत नाही.
सीमा हैदर आणि सचिन मीणा यांनी त्यांचे YouTube व्लॉग चॅनल सुरू केलं आहे ज्यावर ते दररोज त्यांचं घर आणि लाईफस्टाईलबाबत सांगतात. करवा चौथच्या निमित्ताने सीमा हैदरने सांगितलं होतं की, यूट्यूबवरून तिची पहिली कमाई केल्यानंतर सचिनने तिला सोन्याचं मंगळसूत्र भेट दिलं होतं. सीमा हैदरने सांगितलं की, पहिल्यांदा तिला यूट्यूबवरून 45 हजार रुपये मिळाले होते. एका हिंदी वेबसाईटने याबाबतचे वृत्त दिले आहे.