देशभरात हार्ट अटॅकच्या घटनांमध्ये वाढ होत आहे. याच दरम्यान आणखी एक धक्कादायक घटना समोर आली आहे. इंदूरमध्ये एका २७ वर्षीय व्यक्तीचा स्कूटी दुरुस्त करण्यासाठी चालत जात असताना अचानक मृत्यू झाला. या घटनेचं सीसीटीव्ही फुटेज सोशल मीडियावर व्हायरल होत आहे. पोलिसांनी गुन्हा दाखल करून तपास सुरू केला आहे.
परदेशीपुरा पोलीस स्टेशन परिसरात ही हृदयद्रावक घटना घडली. जनता क्वार्टर्समधील रहिवासी विनीत (२७) त्याची स्कूटी दुरुस्तीसाठी त्याच्या घराजवळील एका मेकॅनिककडे घेऊन जात होता.
सोशल मीडियावर व्हायरल होणाऱ्या व्हिडीओ फुटेजमध्ये विनीत त्याची स्कूटी घेऊन जात असताना अचानक बेशुद्ध झाला आणि रस्त्यावर पडला, त्यानंतर तो उठूच शकला नाही. डॉक्टरांनी सुरुवातीला मृत्यूचं कारण हार्ट अटॅक असल्याचं सांगितलं आहे.
अतिरिक्त डीसीपी अमरेंद्र सिंह यांनी दिलेल्या माहितीनुसार, घटनेची माहिती मिळताच पोलिसांनी गुन्हा दाखल करून तपास सुरू केला आहे. पोलीस अधिकाऱ्याने सांगितलं की, जवळच्या लोकांनी तरुणाला उपचारासाठी ताबडतोब रुग्णालयात नेलं, परंतु तोपर्यंत त्याचा मृत्यू झाला होता.
Web Summary : In Indore, a 27-year-old man died of a heart attack while walking his scooter for repair. CCTV footage shows him collapsing. Police are investigating the sudden death, which doctors suspect was cardiac arrest. This incident highlights the increasing heart attack cases.
Web Summary : इंदौर में स्कूटी ठीक कराने ले जा रहे 27 वर्षीय युवक की हार्ट अटैक से मौत हो गई। सीसीटीवी फुटेज में वह गिरते हुए दिखाई दे रहा है। पुलिस मामले की जांच कर रही है। डॉक्टरों का मानना है कि मौत का कारण हृदय गति रुकना था। घटना ने हार्ट अटैक के बढ़ते मामलों पर चिंता जताई है।