Video: हिमाचल प्रदेशात पुन्हा भूस्खलन, शिमला-किन्नौर राष्ट्रीय महामार्ग बंद
By ऑनलाइन लोकमत | Published: September 6, 2021 03:23 PM2021-09-06T15:23:13+5:302021-09-06T15:37:30+5:30
Himachal Pradesh Landslide: शिमलातील जेओरीमध्ये ही दरड कोसळल्याची घटना घडली आहे.
Video: हिमाचल प्रदेशात पुन्हा भूस्खलन, शिमला-किन्नौर राष्ट्रीय महामार्ग बंद
Next शिमला:हिमाचल प्रदेशातभूस्खलनाच्या घटना थांबण्याचे नाव घेत नाहीत. ताजी घटना शिमलाच्या जेओरी भागात घडली आहे. राष्ट्रीय महामार्ग असलेल्या किन्नौर शिमला राष्ट्रीय महामार्गावर मोठ्या प्रमाणावर दरड कोसळल्याने रस्ता बंद करण्यात आला आहे. दरम्यान, या घटनेत कोणतीही जीवितहानी झाल्याचे वृत्त नाही. यापूर्वीही हिमाचल प्रदेश आणि उत्तराखंडच्या अनेक जिल्ह्यांमध्ये भूस्खलनाच्या घटना घडल्या आहेत, ज्यात मोठ्या संख्येने लोकांचा मृत्यूही झाला आहे.
#WATCH | Himachal Pradesh: NH-5 blocked due to a landslide near Shimla's Jeori area. No human or property loss reported yet. District administration has deployed SDM, Rampur and a police team to assess the situation. pic.twitter.com/Dkxy24ex8I
— ANI (@ANI) September 6, 2021
भूस्खलनानंतर शिमला-किन्नौर राष्ट्रीय महामार्ग बंद करण्यात आला आहे. काही दिवसांपूर्वी शिमल्यातील विकास नगर भागात असाच भूस्खलन झाला होता. तर लाहौल स्पीती जिल्ह्यातील नलदा गावात चिनाब नदीजवळ भूस्खलन झाल्याची घटना घडली. भूस्खलनाची सर्वात वाईट घटना 11 ऑगस्ट रोजी घडली. किन्नौर जिल्ह्यात दरड कोसळून झालेल्या अपघातात 25 जण ठार झाले होते.
https://t.co/FFf7Vcy7mu
— Lokmat (@MiLOKMAT) September 6, 2021
राज्याचे मदत आणि पुनर्वसन मंत्री विजय वडेट्टीवार यांचा भाजप आमदार गोपीचंद पडळकर यांना थेट इशारा.#GopichandPadalkar#vijayvadettiwar
त्यापूर्वी, हिमाचलच्या किन्नौर जिल्ह्यातील सांगला खोऱ्यात 25 जुलै रोजी भूस्खलन झाले होते. त्यात 9 पर्यटकांना आपला जीव गमवावा लागला. हे सर्व पर्यटक दिल्ली-एनसीआरचे होते. मागच्या महिन्यात 10 ऑगस्ट रोजी उत्तराखंडच्या पोपट टेकडीच्या डोंगरावरून रस्त्यावर एक महाकाय दगड पडला, पण लोकांनी वाहन सोडून पळ काढल्यामुळे अनेकांचे प्राण वाचले होते.