Uttarakhand News: उत्तराखंडमधील जिम कॉर्बेट नॅशनल पार्कमध्ये एक धक्कादायक घटना घडली आहे. हा परिसर सकाळ-संध्याकाळ सामान्य लोकांसाठी बंद असतो, पण शनिवारी या इशाऱ्याकडे दुर्लक्ष करणे तीन स्थानिक तरुणांना जीवावर बेतले. या भागातून जाणाऱ्या महामार्गावर बसून तिघेही दारू पीत होते. यादरम्यान, अचानक एक वाघ आला आणि तिघांवर हल्ला केला.
एका तरुणाचा मृत्यू यावेळी दोघांनी वाघाच्या तावडीतून स्वतःचा जीव वाचवला, पण वाघ एका तरुणाला ओढत जंगलात घेऊन गेला. या घटनेनंतर संपूर्ण परिसरात दहशतीचे वातावरण निर्माण झाले आहे. अब्दुल रशीद असे तरुणाचे नाव असून तो रामनगर येथील रहिवासी होता. रविवारी सकाळी त्याचा छिन्नविछिन्न झालेला मृतदेह जंगलात सापडला.
इशाऱ्याकडे दुर्लक्ष केलेवनकर्मचाऱ्यांच्या पथकाने या वाघिणीला पकडण्यासाठी कॅमेरे, पिंजरे आदी लावले आहेत. उत्तराखंड वन विभागाचे मुख्य वन्यजीव वॉर्डन समीर सिन्हा सांगतात की, प्रतिबंधित वनक्षेत्रात सूर्योदयापूर्वी आणि सूर्यास्तानंतर हालचाली करण्यास पूर्णपणे बंदी असल्याचे स्पष्ट निर्देश आहेत. लोक त्याचे पालन करत नाहीत.
वाघाने किती लोक मारले सरकारी आकडेवारीनुसार, 2022 या वर्षात वाघांच्या हल्ल्यात एकूण 13 जणांचा मृत्यू झाला आहे. हा 2000 नंतरचा उच्चांक आहे. 17 डिसेंबरलाही वाघाने माजी सैनिकावर हल्ला करून त्याची हत्या केली होती. कॉर्बेट व्याघ्र प्रकल्प आणि रामनगर वनविभागाच्या दरम्यान असलेल्या भागात गेल्या अनेक दिवसांपासून वाघाच्या हल्ल्याच्या घटना घडत आहेत.