Sushant Singh Rajput Union Budget: दिवंगत अभिनेता सुशांत सिंग राजपूत (Sushant Singh Rajput) याच्या निधनाने आजही अनेकजण दु:खी आहे. आजही त्याच्या चाहत्यांना त्याची खूप आठवण येते. सुशांत फक्त एक चांगला अभिनेताच नव्हता तर एक प्रतिभावान व्यक्तीदेखील होता. तो अभ्यासात चांगला होता आणि त्याला अभिनयाबरोबरच गाण्याची आवड होती. आगामी काळात आर्टिफिशियल इंटेलिजन्स आणि रोबोटिक्सचाही शिक्षणात समावेश होईल, असे भाकीत सुशांतने केले होते. आता नुकत्याच आलेल्या अर्थसंकल्पात या दोन अभ्यासक्रमांचा शैक्षणिक संस्थांमध्ये समावेश करण्यास मंजुरी देण्यात आली असून सुशांतचा अंदाज खरा ठरत आहे.
अर्थमंत्री निर्मला सीतारामन यांनी 2023 चा अर्थसंकल्प जाहीर केला. यानिमित्ताने त्यांनी शिक्षण क्षेत्रात काही मोठे बदल केले. हे बदल काळाची मागणी लक्षात घेऊन होत आहेत. आता सर्व क्षेत्रात प्रगत तंत्रज्ञान येत आहे. इतर जगाशी सामना करण्यासाठी आपल्याकडेही प्रगत तंत्रज्ञानाची आवश्यकता आहे. अशा परिस्थितीत AI आणि रोबोटिक्स सारख्या अभ्यासक्रमांचा देशातील सर्वोच्च संस्थांमध्ये समावेश केला जात आहे.
असा अंदाज सुशांतने वर्तवला होतासुशांत सिंग राजपूतने 2019 मध्ये देशाच्या शिक्षण व्यवस्थेवर भाष्य केले होते. सुशांत म्हणाला होता की, येत्या काळात कोडिंग हा अनिवार्य विषय म्हणून शाळेत समाविष्ट केला जाईल. सुशांतला विश्वास होता की नर्सरीमध्ये शिकणारी 65% मुले आगामी काळात अशा तंत्रज्ञानावर काम करतील, ज्याचा अजून शोधही लागलेला नाही.
सुशांत लोकांना मदत करायचासुशांत सिंह राजपूतने स्वतः आर्टिफिशियल इंटेलिजेंसशी संबंधित अॅप्सदेखील तयार केले होते, ज्याच्या मदतीने तो गरीबांची मदत करत असे. डेन्मार्क-आधारित गायक-उद्योजकाने देखील याची पुष्टी केली आणि सांगितले की सुशांत सिंग राजपूतने आपल्या पुढाकार घेतला होता आणि तंत्रज्ञानाच्या मदतीने त्याला गरजूंना मदत करायची होती. आजही सुशांतचा उल्लेख झाला की चाहते भावूक होतात.