भारतीय अंतराळ संस्था इस्त्रो आता पुढील वर्षी अंतराळात नवीन १० मोहिमा सोडणार आहे. २०२४ साठी इस्त्रोने योजनेची तयारीही केली आहे. सरकारने राज्यसभेत सांगितले की इस्रो पुढील वर्षी 3 प्रमुख रॉकेट प्रक्षेपित करेल, यामध्ये पोलर सॅटेलाइट लॉन्च व्हेईकल (PSLV) मधून ६ मोहिमे, जिओसिंक्रोनस सॅटेलाइट लॉन्च व्हेईकल (GSLV) मधून ३ आणि लॉन्च व्हेईकल मार्क-३ (LVM-3) मधून 1 मोहिमेचा समावेश आहे. लाँच केले जाईल. सरकारने राज्यसभेत याबाबत माहिती दिली.
राजनाथ सिंह, विनोद तावडेंवर मोठी जबाबदारी; तीन राज्यांत पर्यवेक्षकांची नावे भाजपकडून जाहीर
राज्यमंत्री जितेंद्र सिंह म्हणाले की, भारतीय अंतराळ संशोधन संस्था त्यांच्या नवीन प्रक्षेपण वाहन SSLV च्या तिसऱ्या विकास उड्डाणावर एक तंत्रज्ञान उपग्रह देखील प्रक्षेपित करेल. गगनयान कार्यक्रमांतर्गत दोन मानवरहित मोहिमा सुरू करण्याचीही योजना आहे. याशिवाय, विविध परिस्थितीत गगनयान क्रू एस्केप सिस्टीमसाठी चाचणी वाहन वापरून अनेक उप-कक्षीय मोहिमा देखील नियोजित आहेत.
इस्रोची व्यावसायिक शाखा न्यू स्पेस इंडिया लि. व्यावसायिक करारांतर्गत २० उपग्रह अवकाशात सोडणार आहे. हे जीसॅट उपग्रह दळणवळणासाठी प्रक्षेपित केले जातील. PSLV च्या ६ मोहिमांमध्ये एक अंतराळ विज्ञान उपग्रह आणि पृथ्वी निरीक्षण उपग्रह आणि २ व्यावसायिक मोहिमा आणि NSIL च्या २ तंत्रज्ञान प्रात्यक्षिक मोहिमांचा समावेश आहे. जीएसएलव्ही रॉकेटद्वारे हवामानशास्त्र, नेव्हिगेशन उपग्रह आणि NASA-ISRO सिंथेटिक अपर्चर रडार उपग्रह (NISAR) पाठवले जातील.