राजकारणी, मंत्री, मुख्यमंत्री यांच्या कुटुंबातील विवाहसोहळे म्हटले की आलिशान मंडप, फाईव्ह स्टार हॉटेल, रिसॉर्टमधील मेजवान्या नजरेसमोर येतात. मात्र मध्य प्रदेशचे मुख्यमंत्री डॉ. मोहन यादव हे याला अपवाद ठरले आहेत. मोहव यादव यांचे पुत्र डॉ. अभिमन्यू यादव आणि वधू डॉ. इशिता यादव यांचा विवाह उज्जैन येथील सामुहिक विवाह सोहळ्यामध्ये संपन्न होत आहे. वधू-वर पारंपरिक वेशभूषेमध्ये सामूहिक विवाहाच्या मंचावर आहेत. त्यांच्यासोबत इतर वधू-वरांचाही पारंपरिक पद्धतीने विधिपूर्वक विवाह होत आहे.
मध्य प्रदेशचे मुख्यमंत्री मोहन यादव यांनी आपल्या मुलाचा विवाहा कुठल्याही आलिशान हॉटेल, रिसॉर्ट किंवा परदेशातील ठिकाणी न करता २१ इतर जोडप्यांसह सामुहिक विवाह सोहळ्यात करण्याचा निर्णय घेतला. यामाध्यमातून त्यांनी अनावश्यक दिखाव्यापेक्षा कुटुंब, संस्कार आणि सामाजिक समानतेला महत्त्व दिले.
दरम्यान, या विवाह सोहळ्याचे फोटोदेखील समोर आले आहेत. तसेच उज्जैन येथीन सांवरा खेडी येथे आयोजित या सामूहिक विवाह सोहळ्यामध्ये एकूण २१ वधू-वरांचं लग्न लागत आहे. दुपारपासून संध्याकाळपर्यंत सप्तपदी, कन्यादान, निरोप यांसह सर्व पारंपरिक विधी एकेक करून संपन्न होणार आहेत. दरम्यान, मुख्यमंत्री मोहन यादव यांनी सामुहिक विवाह सोहळ्यामध्ये मुलाचा विवाह लावण्याचा घेतलेला निर्णय अनेकांसाठी प्रेरणादायी ठरू शकतो.
Web Summary : Madhya Pradesh CM's son married in a mass wedding with 21 other couples in Ujjain. Eschewing lavishness, CM Yadav prioritized family values and social equality, setting a commendable example with traditional ceremonies.
Web Summary : मध्य प्रदेश के मुख्यमंत्री के बेटे का विवाह उज्जैन में सामूहिक विवाह समारोह में हुआ। मुख्यमंत्री यादव ने आडंबर त्यागकर पारिवारिक मूल्यों और सामाजिक समानता को महत्व दिया, जो एक सराहनीय उदाहरण है।