श्रीनगर, दि. 16 -श्रीनगर, दि. 16 - पाकिस्तानमधील दहशतवादी संघटनांकडून होणाऱ्या आर्थिक मदत (टेरर फंडिंग) प्रकरणी राष्ट्रीय तपास यंत्रणेनं बुधवारी जम्मू-काश्मीरमधील श्रीनगर, बारामुल्ला आणि हंदवाड्यातील 12 ठिकाणी छापे मारले. बारामुल्ला जिल्ह्यातील कुंजर परिसरात कट्टरवाद्यांच्या हुर्रियत कॉन्फरन्स संघटनेशी संबंधित असलेल्या नातेवाईकांच्या ठिकाणांवरही छापेमारी करण्यात आली आहे. टेरर फंडिंग) प्रकरणात अनेक फुटीरतावादी नेत्यांची चौकशी सुरू असतानाच राष्ट्रीय तपास यंत्रणेनं (एनआयए) कारवाईचा फास आणखी आवळल्याचे यावरुन दिसत आहे. श्रीनगरमधील एका व्यावसायिकाशी संबंधित असलेल्या दोन ठिकाणांवरही एनआयएनं कारवाई केली आहे.
दरम्यान, काश्मीर खो-यामध्ये हिंसक कारवाया घडवण्यासाठी तसंच दहशतावाद पसरवण्यासाठी कथित स्वरुपात पाकिस्तानकडून आर्थिक रसद घेतल्याच्या आरोपावरुन सात काश्मिरी फुटिरतावादी नेत्यांना राष्ट्रीय तपास यंत्रणेनं (NIA) अटक केली आहे. नईम खान, फारूक अहमद डार उर्फ बिट्टा कराटे, अल्ताफ अहमद शाह, शाहिद-उल-इस्लाम, अयाज अकबर, पीर सैफुल्ला व राजा मेहराजुद्दीन कलवल यांचा समावेश आहे.
आणखी बातम्या वाचा(टेरर फंडिंग प्रकरणात गिलानीच्या दुस-या मुलाला NIAनं बजावलं समन्स)(26/11 सारखा हल्ला रोखण्यासाठी कोस्ट गार्डसाठी 32 हजार कोटींचा प्लान मंजूर)(कुरापती पाकिस्तानच्या गोळीबाराला लष्काराचं चोख प्रत्युत्तर)
एका टीव्ही चॅनेलवर प्रसारित करण्यात आलेल्या स्टिंग ऑपरेशनमध्ये टेरर फडिंगची बाब स्वीकारल्यानंतर हुर्रियतनं नईम खानवर निलंबनाची कारवाई केली होती. या स्टिंग ऑपरेशनमध्ये नईम खाननं म्हटले होते की, काश्मीर खो-यात हिंसक कारवाया घडवण्यासाठी पाकिस्तानकडून आर्थिक रसद घेतली जाते. या गौप्यस्फोटानंतर एनआयएनं मे 2017मध्ये याप्रकरणी काही जणांची चौकशी करण्यास सुरुवात केली.
शिवाय, एनआयएनं श्रीनगर, जम्मू, दिल्ली तसेच हरियाणामध्ये छापा टाकला होता. पाकिस्तानकडून पुरवण्यात येणारी आर्थिक रसद स्वीकारणारी व्यक्ती, मध्यस्थी करणारी व्यक्ती तसंच मूळ व्यक्तीसंबंधी ठोस पुरावे हस्तगत केले होते. एनआयएनं आपल्या तपासाच्या प्राथमिक अहवालात पाकिस्तानातील जमात-उद-दाव व लष्कर-ए-तोयबाचा म्होरक्या हाफिज सईदला आरोपी असल्याचं नमूद केले आहे. याशिवाय, अलावा हुर्रियत, हिजबुल मुजाहिद्दीन तसंच दुख्तरान-ए-मिल्लत यांसारख्या दहशतवादी संघटनांचा समावेश केला आहे.