तामिळनाडूमध्ये एक धक्कादायक घटना समोर आली आहे. येथे वेल्लोरमध्ये एका महिलेला बेदम मारहाण करण्यात आल्याची माहिती समोर आली आहे. या महिलेच्या अंगावरील कपडे काढून ओढून नेण्यात आले. दरम्यान, १२० जणांनी मिळून महिलेसोबत अत्याचार केले. या महिलेचा पती भारतीय लष्करात असून तो सध्या काश्मीरमध्ये तैनात आहे. महिलेची प्रकृती चिंताजनक असून त्यांना रुग्णालयात दाखल करण्यात आले आहे. महिलेच्या पतीने या घटनेचा व्हिडीओ बनवून तो सोशल मीडियावर शेअर केला असून तामिळनाडू सरकारकडे न्यायाची मागणी केली आहे. या व्हिडिओत जवानाने धक्कादायक दावा केला आहे.'मी देशाला शत्रूंपासून वाचवण्यासाठी भारतीय सैन्यात आहे आणि सध्या काश्मीरमध्ये तैनात आहे. मी माझ्या घरापासून शेकडो किलोमीटर दूर आहे. माझ्या पत्नीला अर्धनग्न करून बेदम मारहाण करण्यात आली. व्हिडिओमध्ये तो हात जोडून गुडघ्यावर बसून न्याय मागताना दिसत आहे.
भाजपाबरोबर आता राहिलेय कोण? राऊतांचे 'धोका कोणी दिला' वर शहांना प्रत्युत्तर
लष्करी जवान हवालदार प्रभाकरन यांच्या पत्नीला स्थानिक गुंडांनी बेदम मारहाण केल्याची घटना काही वेळातच व्हायरल झाली. या महिलेला जीएच वेल्लोर अदुक्कमपराई येथे दाखल करण्यात आल्याचे सांगण्यात येत आहे.
अखिल भारतीय माजी सैनिक परिषद तामिळनाडूचे वरिष्ठ उपाध्यक्ष एन त्यागराजन वेटरन यांनी सांगितले की, मी या घटनेचा निषेध करतो आणि त्वरित प्रतिक्रिया आणि कारवाईची विनंती करतो. तो म्हणाला आपण कोणत्या जगात आहोत? तामिळनाडूत पत्नीला वाचवण्याच्या प्रयत्नात काश्मीरमध्ये कर्तव्यावर असलेल्या लष्कराच्या जवानाची ही दयनीय अवस्था आहे. जेव्हा एखादा सैनिक देशाच्या रक्षणासाठी जातो तेव्हा त्या सैनिकाची पत्नी आणि कुटुंबाची काळजी घेणे ही सरकारची सर्वोच्च जबाबदारी असते. तामिळनाडूमध्ये अशा घटनांमध्ये झालेली वाढ ही अराजक परिस्थिती दर्शवते. याप्रकरणी तातडीने कारवाई करून महिलेला न्याय द्यावा, अशी माझी विनंती आहे.
या संदर्भात आता तामिळनाडू भाजपच्या अध्यक्षांनी प्रतिक्रिया दिली आहे.ते म्हणाले की, काश्मीरमध्ये आपल्या देशाची धैर्याने सेवा करणाऱ्या हवालदार आणि तिरुवन्नमलाई येथे राहणाऱ्या त्यांच्या पत्नीशी त्यांनी दूरध्वनीवरून संवाद साधला. त्यांची ही गोष्ट ऐकून खूप वाईट वाटले. आपल्या तमिळ भूमीत त्याच्यासोबत असे घडले याची मला लाज वाटली. आमच्या पक्षाचे लोक आता त्यांना भेटणार आहेत, जो वेल्लोरच्या रुग्णालयात दाखल आहे. त्यांना न्याय मिळवून देण्यासाठी भाजप सैनिक आणि त्यांच्या कुटुंबियांच्या पाठीशी उभा आहे.