धक्कादायक! ऑनलाइन क्रीम खरेदी केली, महिलेच्या शरीरावर सापासारखे व्रण; १० वर्षांत १२ लाख रुपये खर्च

एका महिलेने ऑनलाइन एक क्रीम खरेदी केली, ही क्रीम वापरल्यानंतर शरीरावर सापासारखे डाग पडले. तिची त्वचा सुधारण्याच्या प्रयत्नात, तिने गेल्या १० वर्षांत उपचारांवर १२ लाख रुपये खर्च केले.

चीनच्या जियांग्सू प्रांतातील एका महिलेला गेल्या महिन्यात तिच्या संपूर्ण शरीरावर जांभळ्या आणि लाल सापाच्या कातडीसारखे खुणा आढळून आल्या. यामुळे त्या महिलेला रुग्णालयात दाखल करण्यात आले.

एका ४० वर्षीय महिलेला ऑक्टोबरमध्ये जियांग्सू प्रांतातील नानजिंग येथील झोंगडा हॉस्पिटल साउथईस्ट युनिव्हर्सिटीमध्ये दाखल करण्यात आले होते. तिने डॉक्टरांचा सल्ला न घेता औषध घेतल्याचे समोर आले. तिचे वजन जास्त आहे, तिच्या संपूर्ण शरीरावर जांभळ्या आणि लाल सापाच्या कातडीसारखे खुणा आहेत आणि तिला उच्च रक्तदाबाचाही त्रास आहे.

ट्रम्प प्रशासनाचा नवा नियम! नवीन व्हिसा ऑर्डरनुसार, लठ्ठपणा किंवा मधुमेहामुळे अमेरिकेत प्रवेश मिळणार नाही; इतर आजारांचाही उल्लेख

मिळालेल्या माहितीनुसार, तिला  त्रास १० वर्षांपूर्वी सुरू झाला. तिच्या उजव्या पायाच्या खालच्या भागात लाल ठिपके आणि खाज सुटू लागली. ती सतत खाजवत राहिली, जखमा तिच्या शरीरावर वेगाने पसरल्या. आराम मिळवण्यासाठी, तिने इंटरनेटचा वापर केला आणि एक स्किन क्रीम शोधली.

 ही क्रीम शुद्ध पारंपारिक चिनी औषधांपासून" बनवली आहे आणि सर्व प्रकारच्या त्वचेच्या आजारांवर उपचार करू शकते, असा दावा केला होता. उत्पादनाचे नाव उघड करण्यात आले नाही.

१० वर्षांत १२ लाख रुपये खर्च

जाहिरातीमुळे प्रभावित होऊन त्या महिलेने क्रीम खरेदी केली आणि ती वापरली. ज्यावेळी तिने पहिल्यांदा ते वापरण्यास सुरुवात केली तेव्हा त्याचा परिणाम आश्चर्यकारक होता, असे त्या महिलेने सांगितले.

"मला वाटले की मला शेवटी योग्य औषध सापडले आहे. पण याचा परिणाम उलट झाला. आता तिची तब्येत लक्षणीयरीत्या खालावली आहे. धोकादायक लक्षणे दिसू लागली आणि तिचे संपूर्ण शरीर सापासारखे, जांभळ्या-लाल रंगाच्या भेगांनी झाकलेले आहे.

महिलेवर रुग्णालयात उपचार सुरू

त्या महिलेच्या कोर्टिसोलची पातळी मोठ्या प्रमाणात कमी झाली आहे. तिला दुय्यम अ‍ॅड्रेनोकॉर्टिकल अपुरेपणा असल्याचे निदान झाले आहे. तिच्या प्रकृतीत आता सुधारणा होण्याची चिन्हे दिसत आहेत.