राजस्थान- 1998च्या काळविटाच्या शिकार प्रकरणात जोधपूर न्यायालयानं सलमानला दोषी ठरवलं आहे. सलमान खानच्या शिक्षेसंदर्भातील निर्णय हाती आला आहे. सलमान खानला पाच वर्षांची शिक्षा आणि दहा हजारांचा दंड झाल्यानं त्याला मोठा धक्का बसला आहे. त्यामुळे सलमान खानला आता सेंट्रल जेलमध्ये जावं लागणार आहे. या निर्णयामुळे बिष्णोई समाजानं आनंद व्यक्त केला आहे.
- 2014
सलमान खानच्या जय हो या चित्रपटावर बहिष्कार घालण्याची चर्चा होती. त्यावेळी गुजरातमधल्या पतंगोत्सवाच्या दरम्यान सलमान खान यानं पंतप्रधान नरेंद्र मोदींची भेट घेतली होती.
- 2014
अखिलेश सरकारनं उत्तर प्रदेशमध्ये आयोजित केलेल्या सैफई महोत्सवात मुझफ्फरनगरमधल्या मुलांच्या योग्य उपचारासाठी परफॉर्मन्स केल्याचं त्यावेळी सलमान खान, माधुरी यांनी सांगितलं होतं.
- 2013
चार वर्षांपूर्वी सलमान खाननं बिग बॉस सिझन 7च्याही पर्वात प्रवेश केला होता. त्यावेळी त्यानं तनीषा मुखर्जीवरून गोंधळ घातला होता. अखेर त्यानं ट्विटरवरून याचं स्पष्टीकरणं दिलं होतं. त्यावेळी सलमाननं माझं हा शेवटचा बिग बॉसमधला शेवटचा पर्व असल्याचं म्हटलं होतं.
- 2010
26/11च्या मुंबईतल्या दहशतवादी हल्ल्यासंदर्भातही सलमान खान यानं वादग्रस्त विधान केलं होतं. त्यानंतर त्यानं माफीसुद्धा मागितली होती.
- 2008
कतरिना कैफच्या बर्थ डे पार्टीही सलमान खान आणि शाहरुख खान आमनेसामने आले होते. त्यावेळी त्यांच्यात धक्काबुक्कीही झाली होती.
- 2008
तसेच गणेश पूजा करण्यासाठी त्यानं फतवाही काढला होता. त्यामुळे तो वादात सापडला होता.
- 2003
तसेच सलमानची पहिली गर्लफ्रेंड ऐश्वर्या रायवरून विवेक ओबेरॉय आणि सलमान भिडले होते. त्यावेळी विवेक ओबेरॉयनं पत्रकार परिषद घेऊन सलमानवर गंभीर आरोप केले होते.
- 2002
सलमान खान अभिनेत्री ऐश्वर्या राय हिला त्रास देत असल्याचंही समोर आलं होतं. त्यावेळी तो तिचा मानसिक छळ करत असल्याचंही उघड झालं होतं.
- 2002
मुंबईत एका बेकरीच्या बाहेर फुटपाथवर सलमान खाननं अनेकांच्या अंगावर गाडी घातली होती. त्यातील झोपलेल्या एका व्यक्तीचा मृत्यू झाला होता. तर इतर तीन जखमी झाले होते.
- 1999
जोधपूरमध्ये हम साथ साथ हेच्या सेटवर असताना सलमान खाननं एका काळविटाची शिकार केली होती. त्यामुळे त्याला न्यायालयानं शिक्षाही सुनावली होती.