बिकानेर : राजस्थानमधील बिकानेरमध्ये भारतीय हवाई दलाचे मिग-21 विमान कोसळल्याची घटना शुक्रवारी घडली. या घटनेत विमानाचा पायलट सुरक्षित असल्याचे सांगण्यात येत आहे.
मिळालेल्या माहितीनुसार, बिकानेरजवळ भारतीय हवाई दलाचे मिग-21 विमान कोसळले. यावेळी विमानातून पायलट सुरक्षितरित्या बाहेर पडला. दरम्यान, घटनास्थळी भारतीय हवाई दलाचे अधिकारी दाखल झाले असून विमान कोणत्या कारण्यामुळे कोसळले याची चौकशी करण्यात येत आहे.
गेल्या काही दिवासांपूर्वी जम्मू- काश्मीरच्या बडगाम येथे भारतीय हवाई दलाच्या हॅलिकॉप्टरचा अपघात झाला होता. या अपघातात दोन पायलट शहीद झाले होते. यावेळी हॅलिकॉप्टरमध्ये काही तांत्रिक बिघाड झाल्यामुळे हा अपघात घडल्याचे सांगण्यात आले होते.